ന്യൂസിലന്‍ഡ് പ്രധാനമന്ത്രി ജസിന്‍ഡ തന്റെ അപരയ്‌ക്കൊപ്പം...!
മെലാനി ബ്രേസ്വെല്‍ ന്യൂസിലന്‍ഡില്‍ വളരെ ശ്രദ്ധനേടിയ ഒരു ടിക്ടോക് കലാകാരിയാണ്. ന്യൂസിലന്‍ഡ് പ്രധാനമന്ത്രി ജസിന്‍ഡ ആന്‍ഡേണിന്റെ രൂപസാദൃശ്യമാണ് മെലാനിയെ ടിക്ടോക്കിനു പ്രിയങ്കരിയാക്കിയത്.
ഒടുവില്‍ പ്രധാനമന്ത്രി ജസിന്‍ഡ ആന്‍ഡേണ്‍ അപരയെ നേരിട്ട് കാണുന്ന വീഡിയോ ദൃശ്യങ്ങള്‍ വൈറലായിരിക്കുകയാണ്. വെള്ളിയാഴ്ച രാത്രിയാണ് ഈ വീഡിയോ പങ്കുവെച്ചിരിക്കുന്നത്. പ്രധാനമന്ത്രിയുടേതിന് സമാനമായ വസ്ത്രം ധരിച്ചുകൊണ്ട്, തനിക്കൊപ്പം സെല്‍ഫികള്‍ പകര്‍ത്താന്‍ നിരവധി ആരാധകരുണ്ടെന്നും അവര്‍ വീഡിയോയില്‍ വിശദീകരിക്കുന്നു.
അപ്പോഴാണ് ഏവരേയും ഞെട്ടിച്ചുകൊണ്ട് ന്യൂസിലന്‍ഡ് പ്രധാനമന്ത്രി ജസിന്‍ഡ ആന്‍ഡേണിന്റെ രംഗപ്രവേശം. പേര് എന്താണെന്ന് ആയിരുന്നു മെലാനിയുടെ ആദ്യ ചോദ്യം. ജസിന്‍ഡ എന്ന് പ്രധാനമന്ത്രി മറുപടി പറഞ്ഞതും ഇരുവരും ഒരുമിച്ച് ചിരിക്കുന്നതുമാണ് 45 സെക്കന്‍ഡ് ദൈര്‍ഘ്യമുള്ള വീഡിയോയില്‍ ഉള്ളത്.
https://www.facebook.com/Malayalivartha
