ജനവാസ കേന്ദ്രത്തില്‍ കഴുത്തില്‍ കുടുങ്ങിയ ടിന്നുമായി എത്തിയ മുള്ളന്‍പന്നിയെ പഞ്ചായത്തംഗം രക്ഷപ്പെടുത്തി!
31 JULY 2020 12:36 PM IST
മലയാളി വാര്‍ത്ത
തൃശ്ശൂര്‍ കുത്താമ്പുള്ളിയില്‍ തലയില്‍ തകര ടിന്‍ കുടുങ്ങിയ നിലയില്‍ ഒരു മുള്ളന്‍പന്നിയെ കണ്ടെത്തി.
ജനവാസ കേന്ദ്രത്തില്‍ എത്തിയ മുള്ളന്‍പന്നിക്ക് വാര്‍ഡ് മെംബര്‍ രക്ഷകനായി. ഇന്നലെ രാവിലെയാണു കുത്താമ്പുള്ളി രണ്ടാം വാര്‍ഡില്‍ മുള്ളന്‍പന്നി എത്തിയത്.
മുള്ളന്‍പന്നിയെ പഞ്ചായത്തംഗം മധു ആനന്ദ് സാഹസികമായി ചാക്കിനകത്ത് കയറ്റി.
തുടര്‍ന്ന് മായന്നൂര്‍ ഫോറസ്റ്റ് സ്റ്റേഷന്‍ ഡപ്യൂട്ടി റേഞ്ച് ഓഫിസര്‍ വിനോദിന്റെ നിര്‍ദേശ പ്രകാരം ബീറ്റ് ഫോറസ്റ്റ് ഉദ്യോഗസ്ഥരായ ശിവദാസന്‍, നസീര്‍ഖാന്‍ എന്നിവര്‍ എത്തി തകര ടിന്‍ ഊരിമാറ്റി രക്ഷപ്പെടുത്തി.
മുള്ളന്‍പന്നിയെ പിന്നീട് കായാംപൂവം വനമേഖലയില്‍ വിട്ടു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
