എറണാകുളത്ത് ശുദ്ധജലം എടുക്കാന്‍ ടാപ്പ് തുറന്നപ്പോള്‍ കിട്ടിയത് നൂല്‍പ്പാമ്പ്!

രാവിലെ ചായ ഉണ്ടാക്കുന്നതിനായി വെള്ളം എടുത്തപ്പോഴാണ് നെട്ടൂര്‍ നോര്‍ത്ത് പുതിയാമഠം റോഡ് കരിങ്ങാട്ടില്‍ സുരേഷിന്റെ വീട്ടിലെ ടാപ്പില്‍ നിന്നും എന്തോ പാത്രത്തില്‍ വീഴുന്നത് ശ്രദ്ധയില്‍ പെട്ടത്.

സൂക്ഷിച്ചു നോക്കിയപ്പോഴാണ് ജീവനുള്ള നൂല്‍പ്പാമ്പിനെ കണ്ടത്. 15 സെ. മീ. നീളമുണ്ട്.

പകര്‍ച്ചവ്യാധി ഭീഷണിയും കോവിഡ് വ്യാപനഭീതിയും നിലനില്‍ക്കുന്ന സാഹചര്യത്തില്‍ പൈപ്പുവെള്ളത്തില്‍ നൂല്‍പാമ്പിനെ കണ്ടത് പ്രദേശത്ത് ആശങ്ക ഉയര്‍ത്തിയിട്ടുണ്ട്.

മരാമത്ത് റോഡില്‍ മൂന്നിടത്താണ് പൈപ്പ് പൊട്ടി വെള്ളം പാഴാകുന്നത്. ആഴ്ചകളായിട്ടും നന്നാക്കിയിട്ടില്ല. പൊട്ടിയ ഭാഗത്തിലൂടെ ആയിരിക്കാം പാമ്പ് പൈപ്പിനുള്ളില്‍ കടന്നതെന്നാണു നിഗമനം.