ബിഗ്‌ബോസ്സ് സീസൺ 3ന് വേണ്ടി കാത്തിരിക്കുകയാണ് പ്രക്ഷകർ. മത്സരാർത്ഥികൾ ആരൊക്കെ ആയിരിക്കുമെന്ന് അറിയുവാൻ കഴിയാത്തതിനാൽ ഷോ തുടങ്ങുവാൻ കാത്തിരിക്കുകയാണ് ആരാധകർ. ബിഗ് ബോസ് 3യുടെതായി വന്ന ആദ്യ പ്രൊമോ സോഷ്യല്‍ മീഡിയയില്‍ ഒന്നടങ്കം വൈറലായിരുന്നു. ദ ഷോ മസ്റ്റ് ഗോ ഓണ്‍ എന്ന ടാഗ് ലൈനിലാണ് ഇത്തവണ ബിഗ് ബോസ് പ്രേക്ഷകര്‍ക്ക് മുന്‍പില്‍ എത്തുന്നത്. മോഹന്‍ലാല്‍ അവതാരകനായി എത്തുന്ന ഷോയ്ക്കായി വലിയ പ്രതീക്ഷകളോടെയാണ് മലയാളികൾ കാത്തിരിക്കുന്നത്.

അതേസമയം ബിഗ്‌ബോസ് ഷോയിലൂടെ പ്രേക്ഷകർ കൂടുതലായി അടുത്തറിഞ്ഞ മത്സരാർഥിയാണ് അവതാരികയും സീരിയൽ നടിയുമായ എലീന പടിക്കൽ. ഈ വർഷം വിവാഹിതയാകാൻ പോകുന്നതിന്റെ സന്തോഷത്തിലാണ്എലീന. അടുത്തിടെ ആയിരുന്നു താരത്തിന്റെ വിവാഹനിശ്ചയം നീണ്ട വർഷങ്ങൾ കൊണ്ടുള്ള പ്രണയം സഫലമാകുവാൻ ഏറെ സഹായമായത് ബിഗ്‌ബോസ്സാണെന്ന് എലീന വെളിപ്പെടുത്തിയിരുന്നു. ഇപ്പോളിതാ ബിഗ്‌ബോസ് 3യിൽ ഏതൊക്കെ മത്സരാർത്ഥികൾ ഉണ്ടായിരിക്കണം എന്നാണ് എലീന പറയുന്നത്. മാധ്യമങ്ങൾക്ക് നൽകിയ അഭിമുഖത്തിലാണ് എലീന ഇക്കാര്യം വ്യക്തമാക്കിയത്.

യുവാക്കളെയും വ്യത്യസ്ത അഭിപ്രായം ഉള്ളവരെയും മത്സരത്തിൽ പങ്കെടുപ്പിക്കണം എന്നാണ് തന്റെ ആഗ്രഹം എന്ന് പറയുകയുണ്ടായി. കൂടാതെ വിവിധ മേഖലകളിൽ നിന്നുള്ളവരാണെങ്കിൽ കൂടുതൽ മെച്ചമായിരിക്കുമെന്നും വ്യക്തമാക്കി. കനി കുസൃതി,അനുമോൾ ,മണിക്കുട്ടൻ, ഹേമന്ത്, സാധിക,ടിക്‌ടോക് താരങ്ങൾ, ട്രാൻസ്കമ്മ്യൂണിറ്റിയിലുള്ളവർ, ഏതെങ്കിലും തരത്തിൽ പ്രമുഖരായ കപ്പിൾസ് എന്നിവർ ഉണ്ടാകണമെന്നാണ് എലീനയുടെ ആഗ്രഹം. കൂടാതെ ബിഗ്‌ബോസിനുള്ളിൽ ഒരുപാട് ഫിസിക്കൽ ആക്റ്റിവിറ്റിസും ഒരുപാട് ടാസ്‌കുകളും ഉള്ളതിനാൽ നല്ല ഹെൽത്തിയും സ്റ്റാമിനയും ഉള്ളവരെ കൂടി ഉൾപ്പെടുത്തിയാൽ നല്ലതായിരിക്കുമെന്ന് എലീന കൂട്ടി ചേർത്തു.

കഴിഞ്ഞ ബിഗ്‌ബോസിൽ ഒരേ ഫീൽഡിൽ നിന്നുള്ളവരാണ് കൂടുതലായും ഉണ്ടായിരുന്നത്. ഫിലിം ഫീൽഡിൽ നിന്നും ഒരുപാട് പേരുണ്ടായിരുന്നതായിരുന്നു ഷോയുടെ ഒരു പരാജയം. അതിനാൽ, ഇത്തവണ സിനിമ മേഖല, ആക്ടിവിസ്റ്റുകൾ, സോഷ്യൽ മീഡിയയിൽ നിന്നുള്ളവർ ഇങ്ങനെ തെരഞ്ഞെടുത്താൽ നല്ലതാകുമെന്ന് എലീന പറഞ്ഞു. വ്യത്യസ്തമായ സ്വഭാവമുള്ളവർ കൂടിയാകുമ്പോൾ ഷോ ഒരുപാട് വിജയിക്കും. കൂടാതെ നവീന്‍ അറയ്ക്കല്‍, സീത ഫെയിം ഷാനവാസ്, യുവതാരങ്ങളുടെ ലിസ്റ്റില്‍ ഉള്‍പ്പെടുത്തുകയാണെങ്കില്‍ ടിക് ടോക് താരം അഖില്‍ സിജെ, ഡെവിള്‍ കുഞ്ചു. ഹെലന്‍ ഓഫ് സ്പാര്‍ട്ട, ഇവരൊക്കെ കൂടി ഉൾപ്പെടുത്തിയാൽ ഷോ വിജയിക്കുമെന്നും എലീന പറയുകയുണ്ടായി.