വിവാഹങ്ങളിൽ മാറ്റിനിർത്തുവാൻ കഴിയാത്ത ഒന്നാണ് ഫോട്ടോകൾ. വിവിധ രീതിയിലാണ് ഫോട്ടോ എടുക്കുന്നതും അത് വൈറലാകുന്നതും. ജീവിതത്തിലെ ഏറ്റവും പ്രധാനമായ മുഹൂർത്തം ഫോട്ടോയിലാക്കാൻ വ്യത്യസ്തമായ രീതികൾ എല്ലാവരും ശ്രമിക്കുന്നതാണ്. അതുകൊണ്ട് തന്നെ വെഡ്‌ഡിങ് ഫോട്ടോഗ്രഫി ഇപ്പോൾ ട്രെൻഡിങ്ങായി നിൽക്കുകയാണ്. ഫോട്ടോഗ്രാഫേഴ്സ് പറയുന്നതുപോലെ ചിരിക്കുകയും, ഡാൻസ് കളിക്കുകയും ചെയ്യുന്ന വധുവരന്മാർ ഇപ്പോഴെല്ലാവരുടെയും പതിവ് കാഴ്ച്ചകളാണ്. ഇത്തരത്തിൽ വധുവിന്റെ ക്ലോസപ്പ് ഫോട്ടോക്ക് ശ്രമിച്ച ഫോട്ടോഗ്രാഫർക്ക് കിട്ടിയതോ വരന്റെ കൈയിൽ നിന്നും നല്ലൊരു അടിയും. ഈ വീഡിയോ ആണ് സമൂഹ മാധ്യമങ്ങളിൽ ഇപ്പോൾ ശ്രദ്ധ നേടുന്നത്.

45 സെക്കൻഡ്‌ ദൈർഖ്യമുള്ള ഈ വീഡിയോ രേണുക മോഹൻ എന്ന ആളുടെ ട്വിറ്റർ പേജിലൂടെയാണ് ഷെയർ ചെയ്തിരിക്കുന്നത്. സംഭവം എന്നാണ് നടന്നതെന്ന് വ്യക്തമല്ല. വിഡിയോയിൽ ആദ്യ കുറച്ചു ഫോട്ടോകൾക്ക് ശേഷം ഫോട്ടോഗ്രാഫർ വരനോട് മാറി നിൽക്കാൻ ആവശ്യപ്പെടുന്നു. അതനുസരിച്ചു മാറിനിന്ന വരൻ വധുവിന്റെ ചിത്രങ്ങൾ ക്യാമറാമാൻ എടുക്കുന്നത് നോക്കി നിൽക്കുന്നത് കാണാം. തുടർന്ന് ഫോട്ടോഗ്രാഫർ വധുവിന്റെ ഫോട്ടോ ക്ലോസ് അപ്പിൽ കിട്ടാൻ അടുത്തേക്ക് ചെല്ലുന്നു. അതുവരെ എല്ലാം ശുഭം.എന്നാൽ,ഉദ്ദേശിച്ച പോലെ വധു പോസ് ചെയ്യാതിരുന്നതോടെ തന്റെ ഇടതു കൈകൊണ്ട് ഫോട്ടോഗ്രാഫർ വധുവിന്റെ മുഖത്ത് തൊട്ട് പോസ് ശരിയാക്കാൻ ശ്രമിക്കുന്നത് വിഡിയോയിൽ കാണാം. തുടർന്ന് തന്റെ ഭാര്യയെ തൊട്ടതിന് യുവാവിന്റെ വിധം മാറുകയും ഫോട്ടോഗ്രാഫറുടെ പിൻകഴുത്തിൽ ഒരടിയും. ഒരു നിമിഷത്തേക്ക് എല്ലാവരും പേടിച്ചു പോയെങ്കിലും. വധു ഉടനെ ചിരിക്കാൻ തുടങ്ങി ഇതോടുകൂടി വഷളാവും എന്നു തോന്നിയ രംഗം പെട്ടന്ന് തമാശയിലേക്ക് നീങ്ങി. ചിരി അടക്കാൻ പറ്റാതെ വധു ചിരിക്കാനും ഒടുവിൽ നിലത്തിരുന്ന് ചിരിക്കാനും ആരംഭിച്ചതോടെ ഫോട്ടോഗ്രാഫറും, വരനും എല്ലാവരും ചിരിയായി.

വധുവിന്റെ ഇടപെടലായിരുന്നു ഈ വിഡിയോയിൽ എല്ലാവര്ക്കും കൂടുതലായി ഇഷ്ടപെട്ടത്. 'എനിക്ക് ഈ വധുവിനെ ഒരുപാട് ഇഷ്ടമായി' എന്ന അടികുറിപ്പോടുകൂടിയായിരുന്നു വീഡിയോ പോസ്റ്റ് ചെയ്തിരിക്കുന്നത്.