കലികാലം തന്നെ എന്നു പറഞ്ഞാല്‍ മതിയല്ലോ! കുപ്പിവെള്ളത്തിന് പിന്നാലെ കുപ്പിവായുവും വില്‍പ്പനയ്‌ക്കെന്ന് പരസ്യം.

ഇനിയുള്ള കാലം ഏറ്റവും കൂടുതല്‍ ബിസിനസ് ഇവ രണ്ടിനും തന്നെയായിരിക്കുമെന്ന കാര്യത്തിനു സംശയമില്ല. വ്യാവസായികവല്‍ക്കരണവും മലിനീകരണവും മൂലം ശുദ്ധ ജലത്തിന് ക്ഷാമം ഉണ്ടായതുപോലെ വായു കിട്ടുമെങ്കിലും ശുദ്ധ വായു ഇന്ന് കിട്ടാനില്ലാത്ത സ്ഥതിയായിരിക്കുകയാണ്. അതിനാല്‍ കുപ്പിയില്‍ നിറച്ച ശുദ്ധവായു വിപണിയില്‍ എത്തിയിരിക്കുകയാണ്.

ഒഎക്‌സ്‌വൈ 99 എന്ന കമ്പനിയാണ് കുപ്പിവായു വിപണിയില്‍ എത്തിച്ചിരിക്കുന്നത്. കേരളത്തിലെ ഇംഗ്ലീഷ് പത്രങ്ങളിലെല്ലാം ചൊവ്വാഴ്ച ഇവര്‍ ഡീലര്‍മാരെ ക്ഷണിച്ചുകൊണ്ടുള്ള പത്രപരസ്യവും നല്‍കിയിട്ടുണ്ട്.