ശക്തമായ മിന്നലേറ്റ് ഓടിക്കൊണ്ടിരിക്കുന്ന കാറിന് തീപിടിക്കുന്ന ഞെട്ടിപ്പിക്കുന്ന വീഡിയോ പുറത്ത് വന്നു. മിന്നലേറ്റ് തീ പിടിച്ച കാര്‍ അല്‍പ്പദൂരം മുന്നോട്ട് പോകുന്നതും കാണാം. ഭയചകിതരായ യാത്രക്കാര്‍ കാറില്‍ നിന്ന് പുറത്തിറങ്ങുന്നതും ദൃശ്യമാണ്. സംഭവത്തിന്റെ വീഡിയോ ദൃശ്യങ്ങള്‍ ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്.

ആ യാത്രാസമയത്തൊന്നും മിന്നലോ ഇടിവെട്ടലോ ഇല്ലാതിരിക്കവേ വളരെ വേഗത്തില്‍ അപ്രതീക്ഷിതമായി എത്തിയ മിന്നലാണ് കാറിന് തീപിടിപ്പിച്ചത്. തുടര്‍ന്ന് കാറിന്റെ നിയന്ത്രണം വിടുന്നതും, കാര്‍ പുകയുന്നതും വീഡിയോയില്‍ കാണാം. കാര്‍ നിര്‍ത്തി ഇറങ്ങിയ യാത്രക്കാരെ സഹായിക്കാന്‍ നിരവധി പേര്‍ ഓടിയെത്തുന്നതും വീഡിയോയില്‍ കാണാമായിരുന്നു. എന്നാല്‍ ഇത് എവിടെ നിന്നാണ് ചിത്രീകരിച്ചിരിക്കുന്നതെന്ന് അറിവായിട്ടില്ല.