'താറാവു താര'യോ? അതെന്തെന്ന് അറിയില്ലെങ്കില്‍ ഇതാ കാണൂ...
സ്ഥിരമായി ആനകള്‍ പോകുന്ന വഴിക്ക് ആനത്താരയെന്നാണ് പറയാറുള്ളത്. സ്ഥിരമായി കാനഡ ഗൂസ് ഇനത്തില്‍പെട്ട താറാവുകള്‍ പോകുന്ന വഴിയെ താറാവു താരയെന്നും വിളിയ്ക്കാം. അത്തരമൊരു താറാവു താരയെക്കുറിച്ചാണ് പറയാന്‍ പോകുന്നത്.
തോട്ടിലോ പറമ്പിലോ പാടത്തോ ആണ് ഈ താറാവു താരയെന്ന് കരുതിയെങ്കില്‍ നിങ്ങള്‍ക്ക് തെറ്റി. വീടിന്റെ ഒത്ത നടുവില്‍ കൂടിയാണ് താറാവുകളുടെ സഞ്ചാരം.
അമേരിക്കയിലെ ഓറിഗണിലെ കൊളംബിയ നദിക്കരയിലെ ഡെഷ്യൂട്‌സില്‍ താമസിയ്ക്കുന്ന ദമ്പതികളുടെ വീടിനുള്ളിലാണ് ഈ താറാവ് താരയുള്ളത്. ഇവരുടെ മകള്‍ ഐയാന്‍സ്മിത്ത് എഴുതിയ ബ്ലോഗിലൂടെയാണ് ഈ കൗതുകമുണര്‍ത്തുന്ന വീടിനെ പറ്റി പുറം ലോകം അറിഞ്ഞത്.
വീടിന്റെ തുറന്നുവച്ച ഒരു വാതിലിലൂടെ ഈയിടെയായി താറാവുകള്‍ വരിവരിയായി മറുഭാഗത്തേക്ക് പോകും. ദിവസേന വീടിനകത്തുകൂടി പോകുന്ന ഇവ വീട്ടിലുള്ളവര്‍ക്കോ വീട്ടിലുള്ളവര്‍ ഇവര്‍ക്കോ യാതൊരു ബുദ്ധിമുട്ടും സൃഷ്ടിക്കാറില്ല.
പത്ത് വര്‍ഷമായി ഈ ദമ്പതികള്‍ ഇവിടെയാണ് താമസിയ്ക്കുന്നത്. പക്ഷേ ആദ്യമായാണ് താറാവുകള്‍ ഇത്തരത്തില്‍ വീടിനുള്ളില്‍ സഞ്ചാരപാത കണ്ടെത്തുന്നത്.
https://www.facebook.com/Malayalivartha
