ലോകത്തിലെ ഏറ്റവും ഉയരം കൂടിയ മോഡല്‍ ആകാനുള്ള ശ്രമത്തിലാണ് ഈ റഷ്യക്കാരി. പേര് ഏകറ്ററീന ലിസിന. ആറടി ഒമ്പതിഞ്ചാണ് ഏറ്ററീനയുടെ ഉയരം. റഷ്യയിലെ ഏറ്റവും ഉരമുള്ള വനിതയെന്ന റെക്കോഡും ഏകറ്ററീനയുടെ പേരിലാണ്.

നല്ലൊരു ബാസ്‌കറ്റ് ബോള്‍ കളിക്കാരി കൂടിയാണ് ഏകറ്ററീന. പതിനാറാം വയസ്സിലാണ് ബാസ്‌കറ്റ് ബോള്‍ കളിക്കാന്‍ തുടങ്ങുന്നത്. സാധാരണയില്‍ കവിഞ്ഞുള്ള ഉയരം കളിയെ ഏറെ സഹായിച്ചതായും ഏകറ്ററീന പറയുന്നു.

2008-ലെ ബീജീങ് ഒളിമ്പിക്‌സില്‍ വെങ്കലം നേടിയ ടീമിലെ അംഗമായിരുന്നു ഏകറ്ററീന. ബാസ്‌കറ്റ് ബോള്‍ കളിയില്‍ നിന്ന് വിരമിച്ച ശേഷമാണ് മോഡലിങ്ങില്‍ ഒരു കൈ നോക്കാമെന്ന് ഏകറ്ററീന വിചാരിച്ചത്.

അങ്ങനെയാണ് ഫാഷന്റെ കോര്‍ട്ടിലിറങ്ങിയത്. ലോകത്തെ ഏറ്റവും ഉയരമുള്ള മോഡല്‍ എന്ന റെക്കോഡ് സ്വന്തം പേരിലാക്കുക എന്നതാണ് ഈ 29-കാരിയുടെ ലക്ഷ്യം. ലോകത്തിലെ തന്നെ ഏറ്റവും നീളമുള്ള കാലുകളുടെ ഉടമയെന്ന റിക്കോഡും തനിക്ക് ലഭിച്ചേക്കുമെന്നു കരുതുന്നു.

കാരണം 52.4 ഇഞ്ചാണ് തന്റെ കാലുകളുടെ ദൈര്‍ഘ്യം എന്നും ഏകറ്ററീന പറയുന്നു. കുടുംബത്തില്‍ ഏകറ്ററീന മാത്രമല്ല ആറടി ഉയരക്കാരി. ഇവരുടെ അച്ഛനും അമ്മയുമൊക്കെ ആറടിക്കു മേല്‍ ഉയരക്കാരാണ്.