നീണ്ട നാളത്തെ പ്രണയത്തിനൊടുവില്‍ വിവാഹം! ഇപ്പോൾ ഒരു ആണ്‍കുഞ്ഞിനെ തന്ന് ദൈവം അനുഗ്രഹിച്ചിരിക്കുന്നു... മുമ്പൊരിക്കലും അനുഭവപ്പെടാത്ത ഒരു വികാരമാണിത്; സന്തോഷം പങ്കുവച്ച്‌ ശ്രേയ ഘോഷാല്‍
ഇന്ത്യയൊട്ടാകെയുള്ള സംഗീത പ്രേമികളുടെ പ്രിയ ഗായികയാണ് ശ്രേയ ഘോഷാല്‍. താന്‍ അമ്മയാകുകയാണെന്ന വാര്‍ത്ത ഇക്കഴിഞ്ഞ മാര്‍ച്ചില്‍ ഗായിക സമൂഹമാധ്യമങ്ങളിലൂടെ ആരാധകരെ അറിയിച്ചിരുന്നു.
കാത്തിരിപ്പിനൊടുവില്‍ താന്‍ ഒരു ആണ്‍കുഞ്ഞിന് ജന്മം നല്‍കിയിരിക്കുന്നു എന്ന സന്തോഷ വാര്‍ത്ത പങ്കുവച്ചിരിക്കുകയാണ് ശ്രേയ.
'ഇന്ന് ഉച്ചതിരിഞ്ഞ് ഒരു ആണ്‍കുഞ്ഞിനെ തന്ന് ദൈവം അനുഗ്രഹിച്ചിരിക്കുന്നു. മുമ്ബൊരിക്കലും അനുഭവപ്പെടാത്ത ഒരു വികാരമാണിത്.
ഞാനും ശിലാദിത്യയും ഞങ്ങളുടെ കുടുംബവും സന്തുഷ്ടരാണ്. ഞങ്ങളുടെ ചെറിയ സന്തോഷത്തിന് നിങ്ങള്‍ നല്‍കിയ എണ്ണമറ്റ അനുഗ്രഹങ്ങള്‍ക്ക് നന്ദി,' ശ്രേയ ഘോഷാല്‍ ട്വിറ്ററില്‍ കുറിച്ചു.
നീണ്ട നാളത്തെ പ്രണയത്തിനൊടുവില്‍ 2015 ഫെബ്രുവരി അഞ്ചിനായിരുന്നു ശ്രേയയും ശിലാദിത്യ മുഖോപാധ്യായയും തമ്മില്‍ വിവാഹിതരായത്. അമ്മയായ വിവരം പങ്കുവച്ചതോടെ നിരവധി പേരാണ് ശ്രേയക്ക് ആശമാസകളുമായി എത്തിയിരിക്കുന്നത്.
https://www.facebook.com/Malayalivartha
