മികച്ച പ്രകടനത്തിലൂടെ കേരളത്തിന്റെ തന്നെ അഭിമാനമായി മാറിയിരിക്കുകയാണ് സഞ്ജു വി.സാംസൺ. ബംഗ്ലാദേശിനെതിരായ ടി20 പരമ്ബരയില്‍ ഇന്ത്യന്‍ ടീമില്‍ സ്ഥാനം നേടിയ കേരള താരം സഞ്ജു സാംസണെ അഭിനന്ദിച്ച്‌ മുന്‍ ഇന്ത്യന്‍ താരം ഗൗതം ഗംഭീര്‍ ആണ് രംഗത്ത് എത്തിയിരിക്കുന്നത്. താരത്തിന്റെ ടീമിലേക്കുള്ള വരവ് ഒരുപാട് വൈകിയെന്നും കിട്ടിയ അവസരം താരം ഉപയോഗ പെടുത്തണമെന്നും ഗംഭീര്‍ വ്യക്തമാക്കുകയുണ്ടായി.

അതോടൊപ്പം നേരത്തെ തന്നെ ഇന്ത്യന്‍ ടീമില്‍ സഞ്ജു സാംസണ് അവസരം നല്‍കണമെന്ന് ഗംഭീര്‍ ആവശ്യപ്പെട്ടിരുന്നു. നേരത്തെ 2015ല്‍ സിംബാബ്‌വെക്കെതിരായ ഒരു ടി20 മത്സരത്തില്‍ സഞ്ജു ഇന്ത്യന്‍ ടീമില്‍ കളിച്ചിരുന്നത് വച്ചായിരുന്നു പറഞ്ഞത്. അതിനാൽ തന്നെ ഇന്ത്യന്‍ ടീമില്‍ സഞ്ജുവിന് അവസരം ലഭിച്ചത് ബാറ്റ്സ്മാനായിട്ടാണ് മുഖ്യ സെലക്ടര്‍ എം.എസ്.കെ പ്രസാദ് പറഞ്ഞിരുന്നു.

അതേസമയം ഈ സീസണില്‍ വിജയ് ഹസാരെ ട്രോഫിയില്‍ ഗോവക്കെതിരെ സഞ്ജു സാംസണ്‍ ഡബിള്‍ സെഞ്ചുറി നേടിയിരുന്നു. ഇതോടെയാണ് താരത്തിന് ഇന്ത്യന്‍ ടീമിലേക്കുള്ള വഴി തെളിഞ്ഞത് തന്നെ. നവംബര്‍ 3ന് തുടങ്ങുന്ന ബംഗ്ലാദേശിനെതിരായ പരമ്ബരയില്‍ മൂന്ന് ടി20 മത്സരങ്ങളാണ് ഉള്ളത് എന്നാണ് വ്യക്തമാകുന്നത്.