ഇന്ത്യയ്ക്ക് വേണ്ടി രണ്ടാം ഇന്നിംഗ്സില്‍ ബാറ്റ് ചെയ്യുന്നതിനിടെ പരിക്കേറ്റ ഇന്ത്യന്‍ പേസര്‍ മുഹമ്മദ് ഷമി അവശേഷിക്കുന്ന മത്സരങ്ങളില്‍ കളിക്കില്ല. താരത്തിന്റെ കൈക്കുഴയ്ക്കേറ്റ പൊട്ടലാണ് താരത്തിനെ ഇനി മത്സരത്തിന് യോഗ്യനല്ലെന്ന് വിധിക്കപ്പെടുവാന്‍ ഇടയായത്. ഷമിയുടെ പരിക്ക് കാരണം ഇന്ത്യയ്ക്ക് 36/9 എന്ന നിലയില്‍ നില്‍ക്കവെ ഇന്നിംഗ്സിന് അവസാനം കുറിയ്ക്കേണ്ടി വരികയായിരുന്നു. പാറ്റ് കമ്മിന്‍സിന്റെ പന്തിലാണ് ഇന്ത്യയുടെ പേസര്‍ക്ക് പരിക്കേറ്റത്.