നാലാം തവണയും കപ്പിൽ മുത്തമിട്ട് ചെന്നൈ സൂപ്പർ കിങ്സ്; ഐപിഎല്ലിൽ കോടികൾ വാരിക്കൂട്ടി ധോണിയും കൂട്ടരും! ടൂര്ണമെന്റിലെ സമ്മാനവിവരങ്ങള് ഇങ്ങനെ...
വര്ഷങ്ങളായി കാത്തിരുന്ന ആരാധകര്ക്ക് സന്തോഷം നൽകിക്കൊണ്ട് ഐ.പി.എല്ലില് മഹന്ദ്രേസിങ് ധോണിയുടെ നേതൃത്വത്തിലുള്ള ചെന്നൈ സൂപ്പര്കിങ്സ് നാലാമതും കിരീടത്തില് മുത്തമിട്ടിരിക്കുകയാണ്. ചെന്നൈ വീണ്ടും ഐ.പി.എല് കിരീടം ഉയര്ത്തുമ്പോള് ചാമ്പ്യന് ടീമിന് ബി.സി.സി.ഐ സമ്മാനമായി എന്താണ് നല്കുക. എന്താണ് ടീമിന് ലഭിക്കുക എന്ന ചോദ്യവും ആരാധകരുടെ മനസില് ഉയരുകയാണ്.
ഐ.പി.എല് ചാമ്പ്യന്മാരായ ചെന്നൈ സൂപ്പര് കിങ്സിനും റണേഴ്സ് അപ്പായ കൊല്ക്കത്തക്കും കോടികളാണ് സമ്മാനമായി ബി.സി.സി.ഐ നല്കുക. അതായത് ചാമ്പ്യന്മാരായ ചെന്നൈ സൂപ്പര് കിങ്സിന് 20 കോടിയാണ് സമ്മാനതുക. റണേഴ്സ് അപ്പായ കൊല്ക്കത്തക്ക് 12.5 കോടിയും ബി.സി.സി.ഐ നല്കുന്നതാണ്. ക്വാളിഫയറിലും എലിമിനേറ്ററിലും പുറത്തായ ആര്.സി.ബിക്കും ഡല്ഹിക്കും 8.5 കോടി രൂപയും നല്കുമെന്നാണ് കണക്ക്.
അതോടൊപ്പം തന്നെ കൂടുതല് റണ്സെടുത്ത് ഓറഞ്ച് ക്യാപ്പ് സ്വന്തമാക്കിയ റുതുരാജ് ഗെയ്ക്വാദ്, പര്പ്പിള് ക്യാപ്പ് സ്വന്തമാക്കിയ ഹര്ഷലാല് പട്ടേല് എന്നിവര്ക്ക് 10 ലക്ഷം രൂപയും നല്കുന്നതാണ്. ഇത് കൂടാതെ എമര്ജിങ് പ്ലേയര്, സൂപ്പര് സ്ട്രൈക്കര്, ഡ്രീം 11 ഗെയിം ചേഞ്ചര്, ലെറ്റസ് ക്രാക്ക് സിക്സസ്, പവര് പ്ലെയര് ഓഫ് ദി സീസണ്, മോസ്റ്റ് വാല്യുബള് അസറ്റ് ഓഫ് ദ സീസണ്, ഫെയര് പ്ലേ അവാര്ഡ് ഓഫ് ദ സീസണ് എന്നിവയും നല്കുന്നതാണ്. ഇവയുടെ സമ്മാനത്തുകയും 10 ലക്ഷം തന്നെയാണ്.
https://www.facebook.com/Malayalivartha