ബെന് സ്റ്റോക്സ് ഇംഗ്ലണ്ട് ക്രിക്കറ്റ് ടീമിലേക്ക് തിരിച്ചുവരുന്നു; അടുത്ത മാസം തുടങ്ങുന്ന ആഷസ് പരമ്പരയില് താരം പങ്കെടുക്കുമെന്ന് ഇ.സി.ബി
ബെന് സ്റ്റോക്സ് ഇംഗ്ലണ്ട് ക്രിക്കറ്റ് ടീമിലേക്ക് തിരിച്ചുവരുന്നു. അടുത്ത മാസം തുടങ്ങുന്ന ആഷസ് പരമ്ബരയില് ടീമിനൊപ്പം സ്റ്റോക്സും ആസ്ട്രേലിയയിലേക്ക് പറക്കും. മാനസിക സമ്മര്ദത്തെ തുടര്ന്നും വിരലിനേറ്റ പരിക്കിനെ തുടര്ന്നുമാണ് ഞാന് കളിയില് നിന്നും ഇടവേളയെടുത്തതെന്നും ആസ്ട്രേലിയക്ക് പോകാന് തയാറാണെന്നും സ്റ്റോക്സ് പ്രതികരിച്ചു.
സ്റ്റോക്സിന്റെ വിരലിനുള്ള പരിക്കിന് വിജയകരമായി ഓപ്പറേഷന് പൂര്ത്തിയാക്കിയെന്നും ആഷസ് പരമ്ബരയില് സ്റ്റോക്സ് നിര്ണായക പങ്കുവഹിക്കുമെന്നും ഇ.സി.ബി ചെയര്മാന് ആഷ്ലി ജൈല്സ് പറഞ്ഞു.
ജൂലൈയില് ഇന്ത്യക്കെതിരെ ടെസ്റ്റ് പരമ്ബര തുടങ്ങാനിരിക്കേയാണ് സ്റ്റോക്സ് ക്രിക്കറ്റില് നിന്നും പിന്മാറുന്നതായി അറിയിച്ചത് . തുടര്ന്ന് ഐ.പി.എല്ലിലും ഇപ്പോള് നടന്നുവരുന്ന ട്വന്റി 20 ലോകകപ്പിലും സ്റ്റോക്സ് കളിച്ചിരുന്നില്ല. അനുഭവ സമ്ബന്നനായ സ്റ്റോക്സ് തിരിച്ചവരുന്നത് ആഷസിനൊരുങ്ങുന്ന ഇംഗ്ലണ്ടിനും ഏറെ ആശ്വാസമാണ്.
കഴിഞ്ഞ ഡിസംബറില് സ്റ്റോക്സിന്റെ പിതാവ് കാന്സര് ബാധിച്ച് മരിച്ചിരുന്നു. ഏപ്രിലില് ആദ്യ പാദ ഐ.പി.എല്ലിനിടെ വിരലിന് പരിക്കേറ്റ സ്റ്റോക്സ് പിന്മാറിയെങ്കിലും പാകിസ്താനെതിരായ പരമ്ബരയില് തിരിച്ചുവന്നിരുന്നു. ന്യൂസിലന്റില് ജനിച്ച ബെന് സ്റ്റോക്സ് പിന്നീട് ഇംഗ്ലണ്ടിലേക്ക് കുടിയേറുകയായിരുന്നു. സ്റ്റോക്സിന്റെ അര്ധ സഹോദരനും സഹോദരിയും വെടിവെപ്പില് കൊല്ലപ്പെട്ട ഇരുണ്ട ഭൂതകാലവും സ്റ്റോക്സിനുണ്ട്. 2019ല് ഐ.സി.സി ക്രിക്കറ്റര് ഓഫ് ദ ഇയര് പുരസ്കാരം നേടിയ സ്റ്റോക്സ് ഇംഗ്ലണ്ടിനെ ലോകകപ്പ് വിജയികളാക്കുന്നതില് നിര്ണായക പങ്കുവഹിച്ചിരുന്നു. തുടര്ന്ന് നടന്ന ആഷസിലും അതിഗംഭീര ഫോം ആവര്ത്തിച്ച സ്റ്റോക്സ് ബി.സി.സി സ്പോര്ട്സ് പേഴ്സനാലിറ്റി അവാര്ഡും നേടിയിരുന്നു.
https://www.facebook.com/Malayalivartha