സ്​കോട്​ലന്‍ഡിനെ ​നിഷ്പ്രഭരാക്കി അഫ്​ഗാനിസ്​താന്‍ തേരോട്ടം. 20 ഓവറില്‍ നാലു വിക്കറ്റ്​ നഷ്​ട​ത്തില്‍ 190 റണ്‍സെടുത്ത അഫ്​ഗാനിസ്​താനെതിരെ സ്​കോട്ടുകള്‍ വെറും 60 റണ്‍സിന്​ പുറത്താകുകയായിരുന്നു.

അഞ്ചുവിക്കറ്റുമായി മുജീബ്​ റഹ്​മാനും നാലുവിക്കറ്റുമായി റാഷിദ്​ ഖാനും നടത്തിയ സ്​പിന്‍ എക്​സ്​പോക്ക്​ മുന്നില്‍ സ്​കോട്​ലാന്‍ഡിന്​ മറുപടിയൊന്നുമുണ്ടായിരുന്നില്ല. വിക്കറ്റ്​ നഷ്​ടപ്പെടാതെ 28 റണ്‍സുമായി കുതിക്കുകയായിരുന്ന സ്​കോട്​ലന്‍ഡിനെ ഒരോവറില്‍ 3 വിക്കറ്റുകളുമായി മുജീബ്​ കടപുഴക്കുകയായിരുന്നു. മൂന്നു ബാറ്റ്​സ്​മാന്‍മാര്‍ മാത്രം രണ്ടക്കം കടന്ന സ്​കോട്ലാന്‍ഡ്​ നിരയില്‍ അഞ്ചുപേര്‍ പൂജ്യത്തിന്​ പുറത്തായി.

ടോസ്​ നേടി ബാറ്റിങ്​ തെരഞ്ഞെടുത്ത അഫ്​ഗാന്‍​ ഓപണര്‍മാരായ ഹസ്​റത്തുല്ല സാസായ്​, മുഹമ്മദ്​ ഷഹ്​സാദ്​ എന്നിവരുടെ ചിറകേറി കുതിക്കുകയായിരുന്നു​. സ്​കോട്​ലന്‍ഡ്​ ബൗളിങ്ങിനെ നിര്‍ദയം പിച്ചിച്ചീന്തിയ നജീബുല്ല സദ്​റാന്‍ അര്‍ധ സെഞ്ച്വറി പൂര്‍ത്തിയാക്കിയപ്പോള്‍ സാസായ്​ 44ഉം, റഹ്​മാനുല്ല ഗുര്‍ബസ്​ 46ഉം റ​ണ്‍സെടുത്തു. അഞ്ചാമനായി എത്തിയ നബി നാലു പന്തില്‍ 11 റണ്‍സെടുത്തു. ഗുര്‍ബസ്​ നാല്​ സിക്​സറുകളുമായി സ്​കോട്​ലന്‍ഡ്​ ബൗളിങ്ങി​െന്‍റ നെഞ്ചുപിളര്‍ത്തിയപ്പോള്‍ സദ്​റാന്‍ അഞ്ച്​ ഫോറും മൂന്ന്​ സിക്​സറും പറത്തി.