ശ്രീലങ്കയ്ക്ക് എതിരായ മൂന്ന് ട്വന്റി-20 മത്സര പരമ്പരയ്ക്കുള്ള ഇന്ത്യന്‍ ക്രിക്കറ്റ് ടീമില്‍ മലയാളി താരം സഞ്ജു സാംസണിനെ ഉള്‍പ്പെടുത്തി. ഈ മാസം 24നാണ് മത്സരം തുടങ്ങുന്നത്.

കഴിഞ്ഞ ജൂലായിലെ ശ്രീലങ്കന്‍ പര്യടനത്തിന് ശേഷം ആദ്യമായാണ് സഞ്ജുവിന് ഇന്ത്യന്‍ ടീമിലേക്ക് വിളിയെത്തുന്നത്. ഈ സീസണ്‍ ഐ.പി.എല്ലില്‍ രാജസ്ഥാന്‍ റോയല്‍സിനെ നയിക്കുന്ന സഞ്ജു ഇന്ത്യന്‍ കുപ്പായത്തില്‍ 10 ട്വന്റി-20കളും ഒരു ഏകദിനവും കളിച്ചിട്ടുണ്ട്.

മൂന്ന് ട്വന്റി-20കളും രണ്ട് ടെസ്റ്റുകളുമാണ് ഇന്ത്യയും ശ്രീലങ്കയും തമ്മിലുള്ളത്. രോഹിത് ശര്‍മ്മയാണ് രണ്ട് പരമ്പരകളിലും ഇന്ത്യയെ നയിക്കുന്നത്. ടെസ്റ്റ് നായകനായി രോഹിതിന്റെ ആദ്യ പരമ്പരയാണിത്.