ടി20 ലോകകപ്പ് മത്സരത്തിൽ തുടർച്ചയായി മൂന്നാം വിജയം സ്വന്തമാക്കി ദക്ഷിണാഫ്രിക്ക. ന്യൂസീലൻഡിനെ ഏഴു വിക്കറ്റിന് പരാജയപ്പെടുത്തിയാണ് ദക്ഷിണാഫ്രിക്ക ഡി ഗ്രൂപ്പിൽ ആറു പോയിന്റോടെ ഒന്നാം സ്ഥാനത്തെത്തിയത്.

ആദ്യം ബാറ്റു ചെയ്ത ന്യൂസീലൻഡ് 20 ഓവറിൽ ഏഴിന് 175 റൺസ് നേടി. മറുപടി ബാറ്റിങ്ങിനിറങ്ങിയ ദക്ഷിണാഫ്രിക്ക 17.1 ഓവറിൽ മൂന്നു വിക്കറ്റ് നഷ്ടത്തിൽ വിജയലക്ഷ്യം കാണുകയായിരുന്നു.

ന്യൂസിലൻഡിന് വേണ്ടി മാർക് ചാപ്മാൻ 26 പന്തിൽ 48 റൺസ് നേടിയപ്പോൾ ഡാരിൽ മിച്ചൽ 24 പന്തിൽ 32 റൺസും ഫിൻ അലൻ 17 പന്തിൽ 31റൺസും നേടി.

ദക്ഷിണാഫ്രിക്കയുടെ മാർക്കോ ജാൻസനാണ് ന്യൂസിലൻഡിന്റെ ബാറ്റിങ് നിരയെ അനായാസം തകർത്തത്. 4 ഓവറിൽ 40 റൺസ് വഴങ്ങി നാല് വിക്കറ്റാണ് താരം സ്വന്തമാക്കിയത്.

ദക്ഷിണാഫ്രിക്കൻ ബാറ്റർമാർ 17 പന്തുകൾ ബാക്കിനിൽക്കെയാണ് മൂന്നാം വിജയം സ്വന്തമാക്കിയത്. ക്യാപ്റ്റൻ എയ്ഡൻ മാർക്രത്തിന്റെ അർധസെഞ്ച്വറിയാണ് ദക്ഷിണാഫ്രിക്കൻ വിജയത്തിന് നിർണായകമായത്.