ലോകഫുട്ബോളിലെ രാജകുമാൻ മെസ്സിക്ക് പുതിയ റെക്കോര്‍ഡ് ; സ്പാനിഷ് ലീഗില്‍ ഏറ്റവും കൂടുതല്‍ മത്സരങ്ങള്‍ കളിക്കുന്ന വിദേശതാരമെന്ന റെക്കോര്‍ഡ് മെസ്സിക്ക് സ്വന്തം
ലോകഫുട്ബോളിലെ രാജകുമാൻ മെസ്സിക്ക് പുതിയ റെക്കോര്‍ഡ്. സ്പാനിഷ് ലീഗില്‍ ഏറ്റവും കൂടുതല്‍ മത്സരങ്ങള്‍ കളിക്കുന്ന സ്പെയിന്‍കാരനല്ലാത്ത താരമെന്ന റെക്കോര്ഡാണ് മെസ്സിക്ക് സ്വന്തമായത്. ബാഴ്സലോണയുടെ തന്നെ മുന്‍ ബ്രസീലിയന്‍ താരം ഡാനി ആല്‍വസിന്റെ റെക്കോര്ഡാണ് മെസ്സി സ്വന്തം പേരിലാക്കിയത്. ഇന്നലെ ജിറോണ എഫ്സിക്കെതിരെയാണ് മെസ്സി സ്പാനിഷ് ലീഗില്‍ ഏറ്റവും കൂടുതല്‍ മത്സരങ്ങള്‍ കളിക്കുന്ന വിദേശ താരമായത്.
സ്പാനിഷ് ലീഗിലെ തന്റെ 423-ാം മത്സരത്തിനായിരുന്നു ഇന്നലെ ജിറോണയ്ക്കെതിരെ മെസ്സി കളത്തിലിറങ്ങിയത്. 422 മത്സരങ്ങള്‍ കളിച്ച ബാഴ്സലോണയുടെ തന്നെ മുന്‍ ബ്രസീലിയന്‍ താരം ഡാനി ആല്‍വസിന്റെ റെക്കോര്ഡാണ് മെസ്സി സ്വന്തം പേരിലാക്കിയത്. സെവില്ലയിലും ബാഴ്സലോണയിലുമായിട്ടാണ് ഡാനി ആല്‍വസ് 422 മത്സരങ്ങള്‍ കളിച്ചതെങ്കില്‍ മെസ്സിയാകട്ടെ 423 മത്സരങ്ങളും കളിച്ചത് ബാഴ്സ കുപ്പായത്തില്‍ തന്നെയായിരുന്നു.
സ്പാനിഷ് ലീഗില്‍ ഏറ്റവും കൂടുതല്‍ മത്സരങ്ങള്‍ കളിച്ച വിദേശതാരമായ മെസ്സി തന്നെയാണ് ലീഗില്‍ ഏറ്റവും കൂടുതല്‍ ഗോള്‍ നേടിയ താരവും. 388 ഗോളുകളാണ് സ്പാനിഷ് ലീഗില്‍ ഈ അര്‍ജന്റീന താരത്തിന് സ്വന്തമായുള്ളത്. അതേസമയം റെക്കോര്‍ഡ് നേട്ടത്തിലെത്തിയ മത്സരത്തില്‍ ടീമിനെ ജയത്തിലെത്തിക്കാന്‍ ക്യാപ്റ്റന്‍ മെസ്സിക്ക് സാധിച്ചില്ല.
https://www.facebook.com/Malayalivartha
