പുറത്തെങ്കില് പുറത്ത് ലൂക്ക ഉണ്ടെങ്കില് ഇനി സ്വിറ്റ്സര്ലന്ഡ് തോല്ക്കില്ല; ലോക ചാമ്പ്യന്മാരായ ഫ്രാന്സിന് യൂറോയില് മടക്ക ടിക്കറ്റ് നല്കിയ ആ കണ്ണഞ്ചുംപോരാട്ടം സ്വിറ്റ്സര്ലന്റ് ജനത മറക്കില്ല, വൈറൽ ആരാധകന് ക്വാര്ട്ടര് ഫൈനല് പോരാട്ടത്തിന് ബിസിനസ് ക്ലാസ് ടിക്കറ്റ് തന്നെ നല്കി റഷ്യയിലേക്ക് കൊണ്ടുപോകാൻ സ്വിസ് എയര്
ലോക ചാമ്പ്യന്മാരായ ഫ്രാന്സിന് യൂറോയില് മടക്ക ടിക്കറ്റ് നല്കിയ ആ കണ്ണഞ്ചുംപോരാട്ടം സ്വിറ്റ്സര്ലന്റ് ജനത അടുത്ത കാലത്തൊന്നും മറക്കാൻ സാധ്യതയില്ല. കളി തീരാന് ഒമ്പതു മിനിറ്റ് വരെ രണ്ടു ഗോളിന് പിറകില്നില്ക്കുകയും ഒടുവിലെ മരണപ്പാച്ചിലില് രണ്ടും തിരിച്ചടിക്കുകയും എക്സ്ട്രാ ടൈമും കടന്ന് അവസാന ചിരിയുമായി മടങ്ങുകയും ചെയ്ത കളി ഈ യൂറോയിലെ അത്യാവേശകരമായ പോരാട്ടങ്ങളിലൊന്നായി രേഖപ്പെടുത്തിയിരിക്കുകയാണ്.
ഇമവെട്ടാതെ കളി കണ്ടിരുന്ന സ്വിസ് ആരാധകരിലൊരാളുടെ തൊണ്ടപൊട്ടുമാറുച്ചത്തിലുള്ള അട്ടഹാസങ്ങളും അനുനിമിഷം മാറിമറിഞ്ഞ ഭാവഹാവങ്ങളും സമൂഹ മാധ്യമങ്ങളില് വൈറലാകാന് ഏറെ നേരം വേണ്ടിവന്നിരുന്നില്ല. ഇയാളെ തേടിയിറങ്ങിയ സ്വിസ് ആരാധകക്കുട്ടം ഒടുവില് കണ്ടെത്തുകയും ചെയ്തു. ലൂകാ ലോട്ടന്ബക് ആയിരുന്നു ആ വൈറൽ ആരാധകൻ. മൈതാനത്ത് ഗ്രാനിറ്റ് ഷാക ഇല്ലാത്ത ക്ഷീണം ലൂക തീര്ത്തെന്നനായിരുന്നു ഒരാൾ പ്രതികരിച്ചത്.
പുറത്തെങ്കില് പുറത്ത് ലൂക്ക ഉണ്ടെങ്കില് ഇനി സ്വിറ്റ്സര്ലന്ഡ് തോല്ക്കില്ലെന്നായതോടെ ക്വാര്ട്ടര് ഫൈനല് പോരാട്ടത്തിന് ബിസിനസ് ക്ലാസ് ടിക്കറ്റ് തന്നെ നല്കി റഷ്യയിലേക്ക് ആരാധകനെ കൊണ്ടുപോകാൻ ഒരുങ്ങുകയാണ്. സ്വിസ് എയര് ആണ് ടിക്കറ്റ് സ്പോണ്സര് ചെയ്തിരിക്കുന്നത്. കളി കഴിഞ്ഞ് മടങ്ങിവന്നാല്, ലൂക്കിനെ ഉപയോഗപ്പെടുത്തി കോവിഡ് വാക്സിനേഷന് കാമ്പയിന് സജീവമാക്കാനും സര്ക്കാര് ആലോചിക്കുകയാണ്.
എന്നാൽ അതിലേറെ കൗതുകമായത്, പുറംലോകത്ത് തന്നെ ചുറ്റിപ്പറ്റി പലതും അരങ്ങ് തകര്ക്കുമ്പോള് മൊബൈല് ഫോണിന് വേണ്ടത്ര റേഞ്ചില്ലാതെ ലൂക് ഒന്നുമറിയാതിരിക്കുകയായിരുന്നു. എല്ലാം അറിഞ്ഞപ്പോഴാകട്ടെ, സന്തോഷിക്കാന് ഇനി ഇതിലേറെ എന്തുവേണമെന്നാണ് മനസ്സ്.
https://www.facebook.com/Malayalivartha
