ടി-20 ലോകകപ്പില് ബംഗ്ലാദേശിനെ നേരിടാനൊരുങ്ങി ഇന്ത്യ
ടി-20 ലോകകപ്പില് ബംഗ്ലാദേശിനെ നേരിടാനൊരുങ്ങി ഇന്ത്യ. ഇന്ത്യന് സമയം ഉച്ചക്ക് 1.30 ന് അഡലെയ്ഡാണ് ഈ മത്സരത്തിന് വേദിയാകുന്നത്.
ആദ്യ രണ്ട് കളികളില് വിജയിച്ച ഇന്ത്യ, മൂന്നാം മത്സരത്തില് ദക്ഷിണാഫ്രിക്കയോട് പരാജയപ്പെട്ടതിന് ശേഷമാണ് ഇന്നത്തെ കളിക്കിറങ്ങുന്നത്. ഇന്ന് വിജയിച്ചാല് സെമിയിലേക്ക് ഒരു പടി കൂടി അടുക്കാമെന്നതിനാല് ഏറ്റവും മികച്ച പ്രകടനം തന്നെ പുറത്തെടുക്കാന് ടീം ശ്രമിക്കുമെന്ന കാര്യം ഉറപ്പ്. എന്നാല് അവസാന മത്സരത്തില് കളിച്ച ടീമില് അവര് മാറ്റം വരുത്തുമോ എന്നറിയാനാണ് ആരാധകരുടെ കാത്തിരിപ്പ്.
ടി-20 ലോകകപ്പില് ഇന്ത്യ ഇന്ന് ബംഗ്ലാദേശിനെതിരെ. സൂപ്പര് 12 ഗ്രൂപ്പ് രണ്ടില് അഡലെയ്ഡ് ഓവലില് നടക്കുന്ന മത്സരം ഇന്ത്യന് സമയം 1.30നാണ് ആരംഭിക്കുക. ബംഗ്ലാദേശിനെ വീഴ്ത്താനായാല് ഇന്ത്യക്ക് ഏറെക്കുറെ സെമി ഉറപ്പിക്കാം.
ദക്ഷിണാഫ്രിക്കക്കെതിരായ കഴിഞ്ഞ മത്സരത്തില് പരുക്കേറ്റ വിക്കറ്റ് കീപ്പര് ദിനേശ് കാര്ത്തികിനു പകരം ഋഷഭ് പന്ത് കളിച്ചേക്കും. കളി ഭാഗികമായെങ്കിലും മഴ മുടക്കാനുള്ള സാധ്യതയുമുണ്ട്.
സൂപ്പര് 12ല് ഇതുവരെ 3 മത്സരം കളിച്ച ഇന്ത്യ രണ്ടെണ്ണത്തില് വിജയിച്ച് 4 പോയിന്റുമായി ഗ്രൂപ്പ് രണ്ടില് രണ്ടാമതാണ്. മൂന്ന് മത്സരങ്ങളില് നിന്ന് അഞ്ച് പോയിന്റുള്ള ദക്ഷിണാഫ്രിക്കയാണ് ഒന്നാമത്. ഇത്ര തന്നെ മത്സരങ്ങളില് നിന്ന് രണ്ടെണ്ണം വിജയിച്ച ബംഗ്ലാദേശ് പട്ടികയില് മൂന്നാം സ്ഥാനത്തുണ്ട്. ഇന്ത്യക്കും ബംഗ്ലാദേശിനും ഒരേ പോയിന്റാണെങ്കിലും മികച്ച റണ് നിരക്കാണ് ഇന്ത്യയെ രണ്ടാം സ്ഥാനത്ത് നിര്ത്തിയിരിക്കുന്നത്.
കെഎല് രാഹുലിന്റെ ഫോം വളരെ ആശങ്കയാണെങ്കിലും താരം തന്നെ ഓപ്പണ് ചെയ്യുമെന്ന് പരിശീലകന് രാഹുല് ദ്രാവിഡ് വ്യക്തമാക്കിക്കഴിഞ്ഞു. ഫോമിലുപരി രാഹുലിന്റെ ശൈലിയാണ് ഏറെ വിമര്ശിക്കപ്പെടുന്നത്. മൂന്ന്, നാല് നമ്പറുകളില് വിരാട് കോലി, സൂര്യകുമാര് യാദവ് എന്നിവരാണ് ഇന്ത്യക്കായി സ്ഥിരതയാര്ന്ന പ്രകടനം കാഴ്ചവെക്കുന്നത്.
"
https://www.facebook.com/Malayalivartha