നാലാം ക്ലാസുകാരി ഇന്റര്വ്യൂ ചെയ്യവേ തന്റെ ഇഷ്ടവിഷയം ഏതെന്ന് ക്യാപ്റ്റന് കൂള് വെളിപ്പെടുത്തി
16 NOVEMBER 2017 12:21 PM IST
മലയാളി വാര്ത്ത
എന്നാല് ഇതില് നിന്നെല്ലാം വ്യത്യസ്തമായ ചോദ്യങ്ങളായിരുന്നു കഴിഞ്ഞദിവസം ധോണിക്ക് നാലാം ക്ലാസുകാരി മാധ്യമപ്രവര്ത്തകയില് നിന്നു നേരിടേണ്ടി വന്നത്. വിവാദങ്ങളോ വിമര്ശനങ്ങളോ ഇല്ലാതെ താരത്തിന്റെ കുട്ടിക്കാലത്തെയും സ്കൂള് ജീവിതത്തെയും കുറിച്ചായിരുന്നു ശിവാഗിനി ചൗധരിയെന്ന കൊച്ചുമിടുക്കിയുടെ ചോദ്യങ്ങള്.
ശിശുദിനാഘോഷത്തിന്റെ ഭാഗമായിട്ടായിരുന്നു ഡല്ഹിയിലെ വസന്ത് വിഹാറിലെ ശ്രീ റാം സ്കൂള് വിദ്യാര്ത്ഥിനി ശിവാഗിനിയുടെ അഭിമുഖം. തന്റെ സ്കൂള് ജീവിതത്തിലെ ഫുട്ബോള് ജീവിതവും ഗോളിയായുള്ള തുടക്കവും പിന്നീട് ക്രിക്കറ്റിലേക്ക് മാറിയതുമെല്ലാം ധോണി അഭിമുഖത്തില് വിശദീകരിച്ചു.
സ്കൂളില് ഇഷ്ടപ്പെട്ട വിഷയം ഏതായിരുന്നെന്നും ധോണി ശിവാനിയുടെ ചോദ്യത്തിനു മറുപടിയായി വെളിപ്പെടുത്തുകയുണ്ടായി. താന് അഞ്ചാം ക്ലാസുവരെ കണക്കില് മിടുക്കനായിരുന്നെന്നാണ് ധോണി പറയുന്നത്. പിന്നീട് തന്റെ ശ്രദ്ധ ക്രിക്കറ്റിലേക്ക് തിരിയുകയായിരുന്നെന്നും താരം വ്യക്തമാക്കി.
ക്രിക്കറ്റ് ആരംഭിച്ചതോടെ കണക്കിലെ കളികള് അത്ര സുഖകരമല്ലാതായെന്നു പറഞ്ഞ താരം ആറാം ക്ലാസിനുശേഷം ജോമെട്രിയായിരുന്നു ഇഷ്ടപ്പെട്ട വിഷയം എന്നും പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
