കൊഹ്ലിക്ക് സച്ചിന് വിവാഹാശംസകള് നേര്ന്നതിങ്ങനെ...
കൊഹ്ലിയുടെയും അനുഷ്കയുടെയും വിവാഹത്തില് പങ്കെടുക്കാനെത്തിയ വളരെ കുറച്ച് സെലിബ്രിറ്റികളില് ഒരാളാണ് സച്ചിന്. ഇന്ത്യന് ക്രിക്കറ്റ് ക്യാപ്റ്റന് വിരാട് കൊഹ്ലിയുടെ ആരാധനാപാത്രമാണ് സച്ചിന് ടെന്ഡുല്ക്കര്. സച്ചിന്റെ ബാറ്റിംഗ് റെക്കോര്ഡുകളെല്ലാം തകര്ക്കാന് പോന്ന കളിയാണ് റണ്മെഷീന് കൊഹ്ലി കളിച്ചുകൊണ്ടിരിക്കുന്നത്. ജൂനിയര് സച്ചിനെന്നാണ് ആരാധകര് കൊഹ്ലിയെ വിളിക്കുന്നതു പോലും.
കൊഹ്ലിയെയും അനുഷ്കയെയും ആശംസകള് അറിയിച്ച് സച്ചിന് ട്വിറ്ററില് പോസ്റ്റും ചെയ്തിരുന്നു. അത് സോഷ്യല് മീഡിയയില് വൈറലാകുകയും ചെയ്തു. എന്നാല് ഇനി സച്ചിന്റെ മകള് സാറയുടെ വിവാഹം കൂടി കണ്ടാല് മതി എന്നൊക്കെയാണ് ചില ആരാധകര് സച്ചിന്റെ ട്വീറ്റിന് മറുപടി പറയുന്നത്. ലക്ഷത്തിലധികം പേര് ട്വീറ്റിനോട് പ്രതികരിച്ചിട്ടുണ്ട്.
സച്ചിന്റെ മകള് സാറ ടെന്ഡുല്ക്കറും ബോളിവുഡ് താരം രണ്വീര് സിംഗും തമ്മില് എപ്പോഴാണ് വിവാഹം കഴിക്കുന്നത് എന്നാണ് ചിലര്ക്ക് അറിയേണ്ടത്. സാറയുടെയും രണ്വീറിന്റെയും വൈറലായ ചിത്രങ്ങള് സച്ചിന്റെ ട്വീറ്റിന് കീഴില് പോസ്റ്റ് ചെയ്യുന്നവരും കുറവല്ല. മറ്റ് ചിലരാകട്ടെ സച്ചിനോടുള്ള ആരാധന അറിയിക്കാനാണ് ഈ സാഹചര്യം പ്രയോജനപ്പെടുത്തുന്നത്.
അതേസമയം ആരാധകര് വളച്ചൊടിച്ച സച്ചിന്റെയും കൊഹ്ലിയുടെയും പോസ്റ്റുകളും ഇപ്പോള് വൈറലായിക്കൊണ്ടിരിക്കുകയാണ്. ഫേക്ക് ട്വീറ്റാണിത്. കണ്ഗ്രാറ്റ്സ് വിരാട് ഹാപ്പി വെഡിങ് ലൈഫ് ഇതാണ് ആ വ്യാജ ട്വീറ്റ്. നന്ദി പറഞ്ഞ വിരാട് കൊഹ്ലി എന്തെങ്കിലും ടിപ്സുണ്ടോ എന്ന് ചോദിക്കുമ്പോള് സച്ചിന്റെ മറുപടിയാണ് രസകരം.
രാത്രിയില് ഹെല്മറ്റ് വെക്കാന് മറക്കല്ലേ എന്ന് സച്ചിന് മറുപടി പറഞ്ഞു എന്നാണ് ഫോട്ടോഷോപ്പ് വിദഗ്ധര് പ്രചരിപ്പിക്കുന്ന ട്വീറ്റിലെ തമാശ. സച്ചിന് ഹെല്മറ്റിന്റെ ബ്രാന്ഡ് അംബാസിഡര് ആണല്ലോ, അടുത്തിടെ കേരളത്തില് വന്നപ്പോഴും സച്ചിന്, ബൈക്ക് യാത്രക്കാരിയായ ഒരു സ്ത്രീയോട് വാഹനം നിര്ത്തി ഹെല്മറ്റ് വെക്കാന് പറയുന്ന ദൃശ്യങ്ങള് വൈറലായിരുന്നു.
https://www.facebook.com/Malayalivartha
