ഇന്ത്യന്‍ ക്രിക്കറ്റ് താരം മുഹമ്മദ് ഷമിയ്ക്ക് വാഹനാപകടം
ഇന്ത്യന്‍ ക്രിക്കറ്റ് താരം മുഹമ്മദ് ഷമിയ്ക്ക് വാഹനാപകടത്തില്‍ പരിക്ക്. ഡറാഡൂണില്‍ നിന്ന് ഡല്‍ഹിയിലേക്കുള്ള യാത്രാ മദ്ധ്യേയാണ് ഷമിയ്ക്ക് പരിക്കേറ്റതെന്നാണ് റിപ്പോര്‍ട്ട്. സാരമായ പരിക്കുകളില്ലെങ്കിലും തലയില്‍ തുന്നലിടേണ്ടി വന്നിട്ടുണ്ട്. ഭാര്യ ഹസിന്‍ ജഹാന്റെ പരാതിയെ തുടര്‍ന്ന് ജാമ്യമില്ലാ വകുപ്പ് പ്രകാരം ഷമിയ്‌ക്കെതിരെ അടുത്തിടെ പൊലീസ് കേസെടുത്തിരുന്നു.
ഗാര്‍ഹിക പീഡനം, വിശ്വാസ വഞ്ചന എന്നീ കുറ്റങ്ങള്‍ക്കാണ് താരത്തിനെതിരെ കേസെടുത്തത്. ഗാര്‍ഹിക പീഡനത്തിന് പുറമെ ഒത്തുകളി വിവാദവും ഷമിയ്‌ക്കെതിരെ ഹസിന്‍ ഉയര്‍ത്തിയിരുന്നു. ഒത്തുകളിക്കാനായി ഷമി പാകിസ്ഥാനി യുവതിയില്‍ നിന്ന് പണം പറ്റിയെന്നായിരുന്നു ഹസിന്‍ ജഹാന്റെ ആരോപണം. ഇംഗ്ലണ്ടിലെ വ്യവസായിക്ക് വേണ്ടിയാണ് പാകിസ്ഥാനി യുവതി ഇടനിലക്കാരി ആയതെന്നും ഹസിന്‍ ആരോപിച്ചു.
തുടര്‍ന്ന് താരത്തെ ബി.സി.സി.ഐയുടെ അഴിമതി വിരുദ്ധ സെല്‍ ചോദ്യം ചെയ്തു. ചോദ്യം ചെയ്യലില്‍ ആരോപണങ്ങളില്‍ സത്യമില്ലെന്ന് കണ്ട് ഷമിയുമായുള്ള കരാര്‍ ബി.സി.സി.ഐ പുതുക്കുകയും ചെയ്തിരുന്നു.
https://www.facebook.com/Malayalivartha
