മനോഹാരിതയാര്‍ന്ന ലേഡീസ് പംപ്‌സ്
പെണ്‍കുട്ടികളുടെ ഫാഷന്‍ ലോകത്ത് മികവേറി നില്‍ക്കുകയാണ് ഇപ്പോഴും \'ഷൂ\'. പഴമയേറെയുണ്ടെങ്കിലും ഷൂ ധരിക്കുമ്പോള്‍ കിട്ടുന്ന മനോഹാരിത മറ്റൊരു ചെരിപ്പിനും നല്‍കാനാവില്ല. ലേഡീസ് പംപ്‌സ് എന്നാണ് സ്ത്രീകളുടെ ഷൂവിന് ഫാഷന്‍ ലോകം നല്‍കിയിരിക്കുന്ന പേര്. കറുപ്പുനിറത്തിലുള്ള ഷൂകള്‍ തന്നെയാണ് ഇന്നും ലേഡീസ് പംപ്‌സ് ലോകത്തെ രാജ്ഞിമാര്‍.
കറുപ്പിനും വെളുപ്പിനും പുറമേ ന്യൂട്രല്‍ നിറത്തിലുള്ള പംപ്‌സിനും നല്ല ഡിമാന്റാണ്. നിയോണ്‍ നിറങ്ങളുള്‍പ്പടെ നിരവധി വര്‍ണ്ണങ്ങളില്‍ ഇവ ലഭ്യം. ആദ്യകാലങ്ങളിലെ പോലെ ലെതറില്‍ തന്നെയായിരിക്കണം പംപ്‌സുകള്‍ എന്ന നിര്‍ബന്ധമൊന്നും ഇപ്പോഴില്ല. വെല്‍വെറ്റിലും മെറ്റലിലും നിര്‍മ്മിച്ച പംപ്‌സും സാന്‍ഡല്‍ ലോകം കീഴടക്കിക്കഴിഞ്ഞു.
ഹീലുള്ളവ, ഇല്ലാത്തവ, മീഡിയം ഹീലുള്ളവ, പ്ലാറ്റ്‌ഫോം ഹീലുള്ളവ തുടങ്ങി ആങ്കിള്‍ സ്ട്രാപ്പുള്ളവ, ടി സ്ട്രാപ്പുള്ളവ, മേരി ഡെയിന്‍ സ്ട്രാപ്പുള്ളവ അങ്ങനെ നിരവധി. അതുപോലെ ഓപ്പണ്‍ റ്റോ, പോയിന്റി റ്റോ, റൗണ്ട് റ്റോ, സ്‌ക്വയര്‍ റ്റോ, പീപ്പ് റ്റോ തുടങ്ങി പല വിധത്തില്‍ വിരലഗ്രം വ്യത്യസ്ത രീതിയില്‍ നിര്‍മ്മിച്ച പംപ്‌സുകളുണ്ട്. താല്പര്യം പോലെ തിരഞ്ഞെടുക്കാം.
പാര്‍ട്ടിവെയര്‍ ഗൗണുകള്‍ക്കൊപ്പമാണ് ഹൈഹീല്‍ഡിലുള്ള പംപ്‌സ് ഏറ്റവും നന്നായി ഇണങ്ങുക. കൂടാതെ സ്‌കര്‍ട്ടുകള്‍ക്കൊപ്പവും ജീന്‍സിനൊപ്പവും മോഡേണ്‍ ചുരിദാറുകള്‍ക്കൊപ്പവും പംപ്‌സ് ധരിക്കാം. വേണമെങ്കില്‍ ഡിസൈനര്‍ സാരികള്‍ക്കൊപ്പവും പരീക്ഷിക്കാവുന്നതേയുള്ളൂ.
അമിതമായ തുന്നല്‍വേലകളോ ബക്കിളുകളോ സ്ട്രാപ്പുകളോ അങ്ങനെ യാതൊരു ആര്‍ഭാടങ്ങളുമില്ലാത്ത ക്ലാസിക്ക് പംപ്‌സുകള്‍ ധരിക്കുന്നത് പ്രൗഢിയാണെങ്കില്‍ മിന്നിത്തിളങ്ങുന്ന കല്ലുകളും പൂക്കളും പിടിച്ച സില്‍വര്‍, ഗോള്‍ഡന്‍ കളറുകളിലുള്ള മെറ്റാലിക് പംപ്‌സ് ഷോ സ്‌റ്റോപറാണെന്ന് തന്നെ പറയാം.
https://www.facebook.com/Malayalivartha
