തിളങ്ങുന്ന ചര്മ്മത്തിന് ഗ്രീന് ടീ ബാഗ്
ഗ്രീന് ടിയുടെ ഗുണങ്ങളെക്കുറിച്ച് അറിയാത്തവരാരുമില്ല. എന്നാല് നിങ്ങള് ഉപയോഗിച്ചു കളയുന്ന ഗ്രീന് ടീ ബാഗ്കൊണ്ടുമുണ്ട് പ്രയോജനമേറെയുണ്ട്. മനോഹരമായ തിളങ്ങുന്ന ചര്മം ലഭിക്കുന്നതിനുള്ള ചില പൊടിക്കൈകള് ഗ്രീന് ടീ ബാഗ് ഉപയോഗിച്ചു ചെയ്യാം.
ഗ്രീന് ടീ ബാഗ് ഉപയോഗിച്ചതിനുശേഷം തണുത്തുകഴിഞ്ഞ് കണ്ണിനു പുറത്ത് പുരട്ടുക. കണ്പോളകള്ക്കു നല്ല തണുപ്പും വിശ്രമവും ഇതുവഴി കിട്ടും. ഏറെ നേരം കമ്പ്യൂട്ടറിന് മുന്നില് ഇരുന്ന് ജോലി ചെയ്യുമ്പോള് കണ്ണിനുണ്ടാകുന്ന തടിപ്പും വെള്ളംവരവുമൊക്കെ ഇല്ലാതാക്കാന് ഇത് ഉത്തമം
ഉപയോഗിച്ച ഗ്രീന്ടീ ബാഗ് മുഖത്ത് പുരട്ടുക. മഖചര്മ്മത്തിനു നല്ല തിളക്കം കിട്ടും. ഗ്രീന് ടീ ബാഗ് ഫ്രിഡ്ജില് സൂക്ഷിച്ച് ഇതു തുടര്ച്ചയായി ചെയ്യാം.
ഗ്രീന്ടീ ബാഗ് ഫേഷ്യല് മാസ്കായി ഉപയോഗിക്കാം. ഗ്രീന് ടീ, ബേക്കിംഗ് സോഡ, തേന് എന്നിവ ചേര്ത്തു ഫേഷ്യല് മാസ്ക് നിര്മിക്കാം. ചര്മ്മത്തിന്റെ ഓജസ്സ് വീണ്ടെടുക്കാന് തേന് സഹായിക്കുന്നു. ബേക്കിംഗ് സോഡ ചര്മം വിഷ മുക്തമാക്കുന്നു, ചര്മം ദൃഢമാക്കുന്നതിന് ഗ്രീന്ടീയും സഹായിക്കുന്നു
ഗ്രീന്ടീ തലയില് പുരട്ടുന്നത് മുടിക്ക് തിളക്കം ലഭിക്കുന്നതിന് സഹായിക്കുന്നു. രണ്ടോ മൂന്നോ ഗ്രീന്ടീ ബാഗ് വെള്ളത്തില് തിളപ്പിക്കുക. പത്തോ പതിനഞ്ചോ മിനുട്ട് തിളക്കണം. പിറ്റേദിവസം ഈ വെള്ളത്തില് 10 മിനിട്ട് മുടി മുക്കി വയ്ക്കുക. അതിന് ശേഷം വീര്യം കുറഞ്ഞ ഷാംമ്പു ഉപയോഗിച്ച് മുടി കഴുകുക . ഇത് മുടിക്ക് ആരോഗ്യവും തിളക്കം ലഭിക്കുന്നതിനും സഹായിക്കുന്നു.
https://www.facebook.com/Malayalivartha