ആഡംബരത്തോടൊപ്പം ചാരുതയും സുഖസൗകര്യം പരസ്പരം ലയിച്ച് നില്‍ക്കുന്ന ഹോട്ടലുകളില്‍ താങ്ങാന്‍ ആഗ്രഹമില്ലാത്തവരുണ്ടോ? ആഢംബര ഹോട്ടലുകളില്‍ താമസിക്കാന്‍ എപ്പോഴും കഴിഞ്ഞെന്നു വരില്ല. എന്നാലും അവധിക്കാല ഉല്ലാസ യാത്രക്ക് കുടുംബത്തോടൊപ്പം പോകുമ്പോള്‍ അല്പം സ്റ്റാന്‍ഡേര്‍ഡ് ആയ ഹോട്ടലുകള്‍ തെരഞ്ഞെടുക്കാന്‍ ശ്രദ്ധിക്കണം. പ്രത്യേകിച്ച് കുട്ടികള്‍ ഉണ്ടെങ്കില്‍. വൃത്തിക്കാണ് ഏറ്റവും പ്രാധാന്യം കൊടുക്കേണ്ടത്.പൊടിപടലങ്ങള്‍ ഇല്ലാത്ത ഹോട്ടലുകള്‍ തെരഞ്ഞെടുക്കണം. ഹോട്ടലില്‍ കുട്ടികള്‍ എത്താന്‍ സാധ്യത ഉള്ള സ്ഥലങ്ങള്‍ സുരക്ഷിതമാണെന്ന് ഉറപ്പുവരുത്തേണ്ടതാണ്.

ബെഡ്‌സ്‌പ്രെഡ്, പുതപ്പ് എന്നിവ പുതിയതാണെന്നു ഉറപ്പുവരുത്തുക. ബാത്‌റൂം വൃത്തി ഉള്ളതാണെങ്കില്‍ ആ ഹോട്ടല്‍ പൊതുവെ നല്ലതാണെന്നു ഉറപ്പിക്കാം. അതുപോലെ ഹോട്ടലിനോട് അനുബന്ധിച്ച് റെസ്‌റ്റോറന്റ് ഉണ്ടെങ്കില്‍ അവിടെ വൃത്തിയുള്ള ഭക്ഷ്യമേശകള്‍ ,പാത്രങ്ങള്‍,ശുചിത്വമുള്ള വൈറ്റര്‍മാര്‍ എന്നിവയും ഹോട്ടലിന്റെ സ്റ്റാന്‍ഡേര്‍ഡ് വെളിപ്പെടുത്തും.

ഓരോ ഹോട്ടലിലെയും സൗകര്യങ്ങള്‍ക്കനുസരിച്ച് ദ്വി നക്ഷ്ത്ര ഹോട്ടലുകള്‍, ത്രി നക്ഷത്ര ഹോട്ടലുകളള്‍, ചതുര്‍ നക്ഷത്ര ഹോട്ടലുകളള്‍, പഞ്ച നക്ഷത്ര ഹോട്ടലുകള്‍, സപ്ത നക്ഷത്ര ഹോട്ടലുകളള്‍ എന്നിങ്ങനെ വകതിരിവുണ്ട്. ആഢംബര മുറികള്‍ക്കും സ്യൂട്ടുകള്‍ക്കും പുറമെ കോണ്‍ഫറന്‍സ് ഹാളും വെഡിംഗ് ഹാളുമൊക്കെ ഉള്ള ഹോട്ടലുകള്‍ ഇപ്പോള്‍ എല്ലാ ടൂറിസ്റ്റ് കേന്ദ്രങ്ങളിലും ഉണ്ട്.
കേരളത്തില്‍ എത്ര പഞ്ച നക്ഷത്ര ഹോട്ടലുകള്‍ നിലവിലുണ്ട് എന്നല്ലേ ..എല്ലാവര്‍ക്കും വേണ്ടി ആ ലിസ്റ്റ് ഇതോടൊപ്പം. കേരളത്തിലെ നിലവിലുള്ള പഞ്ച നക്ഷത്ര ഡീലക്‌സ് ഹോട്ടലുകള്‍ 1. വിവാന്ത ബൈ താജ് ബേക്കല്‍ 2. ദി ലളിത് ബേക്കല്‍ 3. വിവാന്ത ബൈ താജ് മലബാര്‍ കൊച്ചി 4. ദി സൂരി കുമരകം 5. ദി രാവിസ്സ് കൊല്ലം 6. ദി ലീല രാവിസ്സ് കോവളം 7. വിവാന്ത ബൈ താജ് കോവളം

പഞ്ച നക്ഷത്ര ഹോട്ടലുകള്‍: 1. ക്ലബ് മഹിന്ദ്ര മൂന്നാര്‍ 2. ദി കൊയിലോണ്‍ ബീച് ഹോട്ടല്‍ കൊല്ലം 3. കുമരകം ലേക്ക് റിസോര്‍ട്ട് കുമരകം 4. ദി എലെഫന്റ്‌റ് കോര്‍ട്ട് തേക്കടി 5. ടര്‍റ്റില്‍ ഓണ്‍ ദി ബീച്ച് കോവളം 6. വസുന്ധര സരോവര്‍ പ്രീമിയം, വയലാര്‍, ചേര്‍ത്തല 7. ക്രൌണ്‍ പ്ലാസ കൊച്ചി 8. ഹോട്ടല്‍ ഉദയ സമുദ്ര കോവളം 9. കടവ് രാവിസ്സ് റിസോര്‍ട്ട് രാമനാട്ടുകര മലപ്പുറം 10. ഹില്‍ട്ടന്‍ ഗാര്‍ഡന്‍ ഇന്‍ തിരുവനതപുരം ; 11. വിവാന്ത ബൈ താജ് തിരുവനന്തപുരം 12. ഹോളിഡെ ഇന്‍ കൊച്ചി 13. കാസിനോ ഹോട്ടല്‍ കൊച്ചി 14. ദി ട്രിഡന്റ് കൊച്ചി 15. ദി ഗേറ്റ് വേ കൊച്ചി
ലിസ്റ്റില്‍ പെടാത്ത പഞ്ച നക്ഷത്ര സൌകര്യവുമുള്ള ഹോട്ടലുകള്‍ 1. ലെ മെറിഡിയന്‍ കൊച്ചി 2. ഹൈസിന്ത് തിരുവനന്തപുരം 3. വൈത്തിരി വില്ലേജ് വയനാട് 4. ദി ഗേറ്റ് വേ കോഴിക്കോട് 5. മസ്‌ക്കറ്റ് ഹോട്ടല്‍ തിരുവനന്തപുരം 6. റോയല്‍ ഹെരിറ്റെജ് എന്നിവയാണ് .