ബജറ്റ് എയര്‍ലൈനായ എയര്‍ഏഷ്യ യാത്രക്കാര്‍ക്ക് യാത്രാ നിരക്കില്‍ ഇളവ് പ്രഖ്യാപിച്ചു. ചെലവുകളെല്ലാം ഉള്‍പ്പെടെ 799 രൂപയിലാണ് എയര്‍ ഏഷ്യയുടെ പുതിയ ഓഫര്‍ നിരക്ക് ആരംഭിക്കുന്നത്. നവംബര്‍ 20 വരെ മാത്രമാണ് ഓഫറിന് കീഴില്‍ എയര്‍ഏഷ്യ ടിക്കറ്റ് ബുക്ക് ചെയ്യാന്‍ അവസരം നല്‍കുന്നത്.

ഓഫറിന്റെ അടിസ്ഥാനത്തില്‍ 2017 മെയ് 1 മുതല്‍ 2018 ഫെബ്രുവരി 6 വരെയുള്ള കാലയളവില്‍ യാത്രക്കാര്‍ക്ക് സഞ്ചരിക്കാന്‍ അവസരം ലഭിക്കും. ഗുവാഹട്ടി-ഇംഫാല്‍ റൂട്ടിലാണ് ഏയര്‍ഏഷ്യ കുറഞ്ഞ നിരക്കായ 799 രൂപയില്‍ ടിക്കറ്റുകള്‍ ലഭ്യമാക്കുന്നത്.

ഓഫറിന് കീഴില്‍ കൊച്ചി-ബംഗളൂരു, ഹൈദരാബാദ്-ബംഗളൂരു റൂട്ടുകളില്‍ 999 രൂപയാണ് ടിക്കറ്റ് നിരക്ക്.