പൂക്കൾ എന്നും എപ്പോഴും കണ്ണിനും മനസിനും കുളിര്മയേകുന്ന കാഴ്ചയാണ്. കാറ്റ് വഹിച്ചുകൊണ്ടുവരുന്ന സുഗന്ധം പോലും ഏത് പൂവിന്റേതാണെന്നു തിരിച്ചറിയാൻ നമുക്ക് കഴിയും. അത്രക്കുണ്ട് നമുക്ക് പൂക്കളോടുള്ള അറ്റാച്ച്മെന്റ്.
ഇവിടെ വീ​ണ്ടു​മൊ​രു പൂ​ക്കാ​ലത്തിന്റെ വരവ് അറിയിക്കുകയാണ് ഗുണ്ടൽപേട്ടും അവിടുത്തെ പൂക്കൃഷിയും. ദേ​ശീ​യ പാ​ത 766 ൽ ​ഗു​ണ്ട​ൽ​പേ​ട്ട് മ​ദൂ​ർ മു​ത​ൽ റോ​ഡി​ന് ഇ​രു​വ​ശ​ത്തു​മാ​ണ് സ​ഞ്ചാ​രി​ക​ളു​ടെ മ​നം ക​വ​ർ​ന്ന് പൂ​ക്കാ​ഴ്ച. റോഡിനിരുവശത്തുമായി മഞ്ഞ ചേലയണിഞ്ഞ ഒരു നവോഢയെ പോലെ തലയുയർത്തി നിൽക്കുകയാണ് സൂര്യകാന്തി പൂക്കൾ. ഇ​ത്ത​വ​ണ കാ​ലാ​വ​സ്ഥ അ​നു​കൂ​ല​മാ​യ​തി​നാ​ൽ സൂ​ര്യ​കാ​ന്തി​പ്പൂ​ക്ക​ൾ നേ​ര​ത്തെ ത​ന്നെ വി​ള​വെ​ടു​പ്പി​ന് ഒ​രു​ങ്ങി.

ഓണക്കാലം വിദുരം അല്ല എന്ന് നമ്മോട് വിളംബരം ചെയ്യുകയല്ലേ ഈ പൂക്കൾ. കേ​ര​ള​ത്തി​ലെ ഓ​ണ​ക്കാ​ല​വി​പ​ണി​യി​ലേ​ക്കു​ള്ള ചെ​ണ്ടു​മ​ല്ലി​യു​ടെ കൃ​ഷി​യും ത​കൃ​തി​യാ​ണി​വി​ടെ. കേരളത്തിൽ പൂക്കാലം ഒരുങ്ങണമെങ്കിൽ തമിഴ്നാട് കനിയണമല്ലോ. കേ​ര​ള​ത്തി​ലെ ഓ​ണ​ക്കാ​ല​വി​പ​ണി​യി​ലേ​ക്കു​ള്ള ചെ​ണ്ടു​മ​ല്ലി​യു​ടെ കൃ​ഷി​യും ത​കൃ​തി​യാ​ണി​വി​ടെ.

പൂ​പ്പാ​ടം കാ​ണാ​നും ചി​ത്ര​ങ്ങ​ൾ പ​ക​ർ​ത്തു​ന്ന​തി​നും നൂ​റു​ക​ണ​ക്കി​ന്​​സ​ഞ്ചാ​രി​ക​ളെ​ത്തു​ന്നു​ണ്ട്. കൂടാതെ പൂക്കൾ ഇവിടെ വിലക്കുറവിൽ ലഭ്യമാണ്. ഫോട്ടോ എടുക്കാൻ മാത്രമല്ല സൂ​ര്യ​കാ​ന്തി​പ്പാ​ട​ങ്ങ​ളി​ൽ വി​വി​ധ സി​നി​മ​ക​ളും ഷോ​ർ​ട്​​ഫി​ലി​മു​ക​ളും വി​വാ​ഹ ആൽബവുമടക്കം ചി​ത്രീ​ക​രി​ക്കാ​നും വി​വി​ധ സ്ഥ​ല​ങ്ങ​ളി​ൽ​നി​ന്ന്​ ദി​വ​സ​വും നി​ര​വ​ധി പേ​രെ​ത്തു​ന്നു​ണ്ട്.

ജൂ​ൺ, ജൂ​ലൈ, ആ​ഗ​സ്​​റ്റ്​ മാ​സ​ങ്ങ​ളാ​ണ് ഗു​ണ്ട​ൽ​പേ​ട്ടി​ലെ പൂ​ക്കാ​ലം. ഇത്തവണ ഗ്രാ​മ​ങ്ങ​ളി​ലും വ്യാ​പ​ക​മാ​യി കൃ​ഷി​യി​റ​ക്കി​യി​ട്ടു​ണ്ട്. സൂ​ര്യ​കാ​ന്തി പൂ​ക്ക​ളു​ടെ വി​ത്ത് ഉ​പ​യോ​ഗി​ച്ചാ​ണ്​ സ​ൺ ഫ്ല​വ​ർ ഓ​യി​ലു​ണ്ടാ​ക്കു​ന്ന​ത്. അതുകൊണ്ടു തന്നെ വ്യാപാരടിസ്ഥാനത്തിൽ ആണ് ഇവിടെ കൃഷി ഇറക്കുന്നത്. ഒരിക്കലും മതിവരാത്ത നിറകാഴ്ചയുടെ ദൃശ്യവിരുന്നൊരുക്കി സഞ്ചാരികളെ കാത്തിരിക്കുകയാണിവിടം. മനസിനും ശരീരത്തിനും ഒരുപോലെ കുളിർ കാഴ്ചയേകാൻ നമുക്കും പോകാം സൂര്യകാന്തിപ്പാടത്തേക്ക് .