കെ.ടി.ഡി.സി.യുടെ പ്രത്യേക മണ്സൂണ് ടൂര് പാക്കേജുകള്
കേരള വിനോദ സഞ്ചാര വികസന കോര്പ്പറേഷന് (കെ.ടി.ഡി.സി) പ്രത്യേക മണ്സൂണ് ടൂര് പാക്കേജുകള് പുറത്തിറക്കി. കേരളത്തിലെ പ്രധാന ടൂറിസം കേന്ദ്രങ്ങളില് സാന്നിധ്യമുള്ള കെ.ടി.ഡി.സി.ക്ക് മുന്തിയ ഹോട്ടലുകള് മുതല് കുറഞ്ഞ മുറി വാടകയുള്ള ടാമറിന്റെ ഹോട്ടല് വരെയുണ്ട്.
സഞ്ചാരികള്ക്ക് പ്രിയപ്പെട്ട ടൂറിസ്റ്റ് കേന്ദ്രങ്ങളായ മൂന്നാര്, കൊച്ചി, തേക്കടി, കോവളം എന്നീ സ്ഥലങ്ങളിലെ കെ.ടി.ഡി.സി. ഹോട്ടലുകളിലാണ് മണ്സൂണ് ടൂര് പാക്കേജുകള് തയ്യാര് ചെയ്തിട്ടുള്ളത്. ഒരു റിസോര്ട്ടില് 2 രാത്രി / 3 പകല് താമസത്തിന് മുറി വാടകയില് ഇളവും നികുതിയും ചേര്ത്തുള്ള പാക്കേജുകള്ക്കാണ് രൂപം കൊടുത്തിട്ടുള്ളത്. ഓരോ റിസോര്ട്ടിലും വ്യത്യസ്ത പാക്കേജുകളാണുള്ളത്.
തെരഞ്ഞെടുക്കുന്ന ഹോട്ടലുകളില് അതിഥികള്ക്ക് മുറി വാടകയിലുള്ള ഇളവുകള്ക്കു പുറമേ മറ്റു മികച്ച ആനുകൂല്യങ്ങളും പാക്കേജില് പ്രത്യേക കിഴിവും നല്കുന്നതാണ്. ജൂണ് മുതല് സെപ്റ്റംബര് വരെയാണ് പാക്കേജുകളുടെ കാലാവധി.
ഇതു കൂടാതെ ടൂറിസ്റ്റ് കേന്ദ്രങ്ങളായ കോവളം, തണ്ണീര്മുക്കം, തേക്കടി, മൂന്നാര്,കൊച്ചി തുടങ്ങിയവ ബന്ധപ്പെടുത്തിയുള്ള ടൂര്പാക്കേജു കളുമുണ്ട്. ഈ പാക്കേജുകളില് താമസം, രാവിലത്തെ ഭക്ഷണം യാത്രയ്ക്കുള്ള കാര്, നികുതികള് എന്നിവ ഉള്പ്പെടുത്തിയാണ് തയ്യാറാക്കിയിരിക്കുന്നത്. ആവശ്യക്കാരുടെ താല്പര്യമനുസരിച്ചും ടൂര് പാക്കേജുകള് തയ്യാര് ചെയ്ത് നല്കുന്നതാണ്.
വിശദവിവരങ്ങള് കെ.ടി.ഡി.സി. വെബ് സൈറ്റായ www.ktdc.com ലും കെ.ടി.ഡി.സി.യുടെ തിരുവനന്തപുരത്തെ സെന്ട്രല് റിസര്വേഷന് സെന്ററിലും ലഭ്യമാണ്.
ഫോണ് : 0471 2316736 ഇമെയില് : cetnralreservations@ktdc.com കൂടാതെ കൊച്ചിയിലെ മറൈന് ഡ്രൈവിലുള്ള ടൂറിസ്റ്റ് റിസപ്ഷന് സെന്ററിലും ലഭ്യമാണ്. ഫോണ് : 0484 2353234
https://www.facebook.com/Malayalivartha
