തുച്ഛമായ തുകയില് ഒരൊറ്റ ദിവസത്തില് വിമാന, കപ്പല്, മെട്രോ യാത്ര നടത്താം
രാവിലെ ആറുമണിക്ക് തിരുവനന്തപുരത്ത് നിന്ന് വിമാനത്തില് പുറപ്പെട്ട് കൊച്ചിയില് മെട്രോയാത്രയും, കടല്, കായല് യാത്രയും നടത്തി, ഫോര്ട്ട് കൊച്ചി, മട്ടാഞ്ചേരി കാഴ്ചകള് കണ്ട് ജനശതാബ്ദി ട്രെയിനില് മടങ്ങുന്ന ഒരു ദിവസ യാത്രയൊരുക്കി ടൂര്ഫെഡ് എന്ന കേരളാ സ്റ്റേറ്റ് കോ-ഓപ്പറേറ്റീവ് ടൂറിസം ഫെഡറേഷന് ലിമിറ്റഡ്.
ഒരൊറ്റ ദിവസം അഞ്ച് വ്യത്യസ്ത തരം മാര്ഗങ്ങളിലൂടെ യാത്ര ചെയ്യാന് അവസരമൊരുക്കുന്ന വിനോദയാത്രാ പരിപാടി എന്ന പ്രത്യേകതയാണ് സംസ്ഥാന സഹകരണ ടൂറിസം ഫെഡറേഷന് ലിമിറ്റഡ് അവതരിപ്പിക്കുന്നത്.
തിരുവനന്തപുരം അന്താരാഷ്ട്ര വിമാനത്താവളത്തില് നിന്ന് എയര് ഇന്ത്യാ വിമാനത്തിലാണ് രാവിലെ ആറ് മണിക്ക് യാത്ര പുറപ്പെടുന്നത്.
പ്രാതലും ഉച്ചഭക്ഷണവും അടങ്ങുന്ന ഈ ടൂര് പാക്കേജില് ഒരാള്ക്ക് നാലായിരം രൂപയാണ് ചാര്ജ് ഈടാക്കുക. ടൂര് പാക്കേജുകളുടെ വിശദ വിവരങ്ങള് അടങ്ങിയ ഹാന്ഡ് ബുക്ക് ലഭ്യമാണ്.
https://www.facebook.com/Malayalivartha
