കനത്തനഷ്ടത്തില്‍ നിന്ന് തിരിച്ചുകയറി ഓഹരി വിപണി. സെന്‍സെക്സ് 265 പോയന്റ് ഉയര്‍ന്ന് 35900ലും നിഫ്റ്റി 63 പോയന്റ് നേട്ടത്തില്‍ 10515ലുമാണ് വ്യാപാരം നടക്കുന്നത്. ബിഎസ്ഇയിലെ 915 കമ്ബനികളുടെ ഓഹരികള്‍ നേട്ടം നേടി .

റിലയന്‍സ്, ഹീറോ മോട്ടോര്‍കോര്‍പ്, ഭാരതി എയര്‍ടെല്‍, ഐസിഐസിഐ ബാങ്ക്, യെസ് ബാങ്ക്, എസ്ബിഐ, ബജാജ് ഓട്ടോ തുടങ്ങിയ ഓഹരികള്‍ നേട്ടത്തിലും ഗെയില്‍, ഇന്‍ഫോസിസ്, സിപ്ല, ടെക് മഹീന്ദ്ര, വിപ്രോ, എച്ച്സിഎല്‍ ടെക്, ഐടിസി, ഐഒസി, ബിപിസിഎല്‍, ടിസിഎസ്, ഹിന്ദുസ്ഥാന്‍ യുണിലിവര്‍ തുടങ്ങിയ ഓഹരികള്‍ നഷ്ടത്തിലുമാണ് .
തിങ്കളാഴ്ച സെന്‍സെക്സിന് നഷ്ടമായത് 1941 പോയന്റാണ്. നിഫ്റ്റിക്കാകട്ടെ 538 പോയന്റും. ഹോളി പ്രമാണിച്ച് ചൊവാഴ്ച ഓഹരി വിപണിക്ക് അവധിയായിരുന്നു.