ഓഹരി വിപണിയില്‍ തുടര്‍ച്ചയായി നാലാംദിവസവും മുന്നേറ്റം. വ്യാപാരം ആരംഭിച്ചയുടനെ സെന്‍സെക്സ് 31,000 കടന്നു. നിഫ്റ്റിയകാട്ടെ 9000 ഭേദിക്കുകയും ചെയ്തു.1079 പോയന്റാണ് സെന്‍സെക്സിലെ നേട്ടം. നിഫ്റ്റിയാകട്ടെ 366 പോയന്റും ഉയര്‍ന്നു. ബിഎസ്ഇയിലെ 505 കമ്പനികളുടെ ഓഹരികള്‍ നേട്ടത്തിലും 62 ഓഹരികള്‍ നഷ്ടത്തിലുമാണ്. 34 ഓഹരികള്‍ക്ക് മാറ്റമില്ല.റിസര്‍വ് ബാങ്ക് ഗവര്‍ണറുടെ പ്രഖ്യാപനംകാത്താണ് വിപണി പ്രതീക്ഷയോടെ ഉണര്‍ന്നത്. രാവിലെ 10നാണ് ശക്തികാന്ത ദാസ് മാധ്യമപ്രവര്‍ത്തകരെ കാണുന്നത്.

ഇന്‍ഡസിന്റ് ബാങ്ക് ഓഹരി 15 ശതമാനത്തോളം ഉയര്‍ന്നു. ആക്സിസ് ബാങ്ക്, യെസ് ബാങ്ക്, എച്ച്ഡിഎഫ്സി ബാങ്ക്, ഐസിഐസിഐ ബാങ്ക് തുടങ്ങിയ ഓഹകളാണ് നേട്ടത്തില്‍.ിഫ്റ്റി ബാങ്ക് സൂചികയാണ് മികച്ച നേട്ടത്തില്‍. സൂചിക 7.34ശതമാനം ഉയര്‍ന്നു. മിഡ്ക്യാപ് സൂചിക 3.51ശതമാനവും സ്മോള്‍ ക്യാപ് 3.06 ശതമാനവും നേട്ടത്തിലാണ്.