രാജ്യത്ത് ഇന്ധനവില വീണ്ടും കൂട്ടി എണ്ണക്കമ്പനികള്‍. ആറു ദിവസത്തിനിടെ പെട്രോള്‍ വില ലിറ്ററിന് 3.32 പൈസയും ഡീസല്‍ വില 3.26 രൂപയും കൂടി. ഇന്നു മാത്രം പെട്രോളിന് 57 പൈസയുടെയും ഡീസലിന് 56 പൈസയുടെയും വര്‍ധനയാണുണ്ടായത്.

തുടര്‍ച്ചയായ 83 ദിവസങ്ങള്‍ക്കുശേഷം ഞായറാഴ്ചയാണു വില ഉയര്‍ന്നു തുടങ്ങിയത്. കൊച്ചിയില്‍ പെട്രോള്‍ വില ലിറ്ററിന് 74.97 രൂപയും ഡീസല്‍ വില 69.08 രൂപയുമായി. തിരുവനന്തപുരത്ത് പെട്രോള്‍ വില 76.30 രൂപയും ഡീസല്‍ വില 70.42 രൂപയുമാണ്.