ഓഹരി വിപണിയില്‍ മികച്ചനേട്ടത്തോടെ തുടക്കം. ആഗോള വിപണികളിലെ നേട്ടമാണ് ആഭ്യന്തര സൂചികകളിലും പ്രതിഫലിച്ചത്. സെന്‍സെക്സ് 355 പോയന്റ് ഉയര്‍ന്ന് 36949ലും നിഫ്റ്റി 103 പോയന്റ് നേട്ടത്തില്‍ 10871ലുമാണ് വ്യാപരം നടക്കുന്നത്. ബിഎസ്ഇയിലെ 1133 ഓഹരികള്‍ നേട്ടത്തിലും 638 ഓഹരികള്‍ നഷ്ടത്തിലുമാണ്. 113 ഓഹരികള്‍ക്ക് മാറ്റമില്ല.ടാറ്റ മോട്ടോഴ്സ്, റിലയന്‍സ്, ടെക് മഹീന്ദ്ര, ഹിന്‍ഡാല്‍കോ, ഇന്‍ഫോസിസ്, ബ്രിട്ടാനിയ, ടാറ്റ സ്റ്റീല്‍, ഏഷ്യന്‍ പെയിന്റ്സ്, മാരുതി സുുസകി, ഹിന്ദുസ്ഥാന്‍ യുണിലിവര്‍ തുടങ്ങിയ ഓഹരികളാണ് നേട്ടത്തില്‍.

മാര്‍ച്ച് പാദത്തിലെ പ്രവര്‍ത്തനഫലം പുറത്തുവന്നതിനെതുടര്‍ന്ന് അവന്യു സൂപ്പര്‍മാര്‍ക്കറ്റിന്റെ ഓഹരി വില അഞ്ചുശതമാനം ഇടിഞ്ഞു. ഡോ.റെഡ്ഡീസ് ലാബ്, എച്ച്ഡിഎഫ്സി തുടങ്ങിയ ഓഹരികളും നഷ്ടത്തിലാണ്.