പുതിയ ഫീച്ചറുമായി വാട്ട്‌സ്ആപ്പ്; അയച്ച മെസേജുകള്‍ ഇനി തിരിച്ചെടുക്കാം
പുതിയ സവിശേഷതയുമായി വാട്ട്‌സ്ആപ്പ് വീണ്ടും എത്തിയിരിക്കുന്നു. അബദ്ധത്തില്‍ അയച്ച സന്ദേശങ്ങള്‍ തിരിച്ചെടുക്കുന്നതിനുള്ള അവസരം വാട്ട്‌സ്ആപ്പ് ഉടന്‍ നല്‍കും. ആന്‍ഡ്രോയ്ഡ്, ഐഒഎസ് ഉപഭോക്താക്കള്‍ക്കാണ് ഈ സവിശേഷത ലഭ്യമാകുന്നത്. ഫെയ്‌സ്ബുക്ക് ഉടമസ്ഥതയിലുള്ള വാട്ട്‌സ്ആപ്പില്‍ ‘ delete for every one’ എന്ന സവിശേഷതയുമായി എത്തുന്നു. ഈ സംവിധാനം ഉപയോഗിച്ച് നിങ്ങള്‍ അറിയാതെ തെറ്റായ മെസേജ് അയച്ചാലോ അല്ലെങ്കില്‍ മെസേജ് മാറി പോയാലോ അവര്‍ വായിക്കുന്നതിനു മുന്‍പു തന്നെ നിങ്ങള്‍ക്ക് ആ മെസേജ് ഡിലീറ്റ് ചെയ്യാം.
എന്നാല്‍, ഈ സവിശേഷത ഇപ്പോള്‍ പരീക്ഷണ ഘട്ടത്തിലാണ്. ടെസ്റ്റിങ്ങ് സ്റ്റേജ് കഴിഞ്ഞാല്‍ ഇത് എല്ലാവര്‍ക്കും സജീവമായി ഉപയോഗിക്കാം. ടിപ്സ്റ്റര്‍ റിപ്പോര്‍ട്ട് പ്രകാരം ഐഒഎസ് ആന്‍ഡ്രോയ്ഡ് ഉപകരണങ്ങളിലെ നോട്ടിഫിക്കേഷന്‍ സെന്ററില്‍ നിന്നുളള മെസേജുകളും ഡിലീറ്റ് ചെയ്യും.
https://www.facebook.com/Malayalivartha
