അപകടകാരികളായ ആപ്പുകളെ ഗൂഗിള് പ്ലേസ്റ്റോറില് നിന്നും നീക്കം ചെയ്തു
ഗൂഗിൾ നീക്കം ചെയ്തത് അമ്പതോളം ഉപദ്രവകാരികളായ ആപ്പുകൾ
ഗൂഗിള് പ്ലേസ്റ്റോറില് ഇന്സ്റ്റാള് ചെയ്യപ്പെട്ട പല ആപ്പുകളും ഉപഭോക്താവിന് ആവശ്യമില്ലാത്തതാണെന്നു മാത്രമല്ല ഉപദ്രവകാരികളുമാണ്. അത്തരം അമ്പതോളം ആപ്പുകളെ ഗൂഗിൾ തെരഞ്ഞു പിടിച്ച് നീക്കം ചെയ്തു. എക്സ്പെന്സീവ് വാള് എന്നറിയപ്പെടുന്ന ആന്ഡ്രോയ്ഡ് മാല്വെയറുകളാണിവ
ഇത്തരം വ്യാജ ആപ്പുകൾ ഒരു മില്ല്യണ് മുതല് 4.2 മില്ല്യണ് തവണ വരെ പ്ലേസ്റ്റോറില് നിന്നും ഡൗണ്ലോഡ് ചെയ്യപ്പെട്ടതായാണ് ഗൂഗിള് പറയുന്നത്. ഇവ ഡൌൺലോഡ് ചെയ്യുന്നതുവഴി ഫോൺ കേടാവാനുള്ള സാധ്യത കൂടുതലാണ്. മാത്രമല്ല വ്യാജ സേവനത്തിന്റെ പേരില് ഉപഭോക്താവില് നിന്നും ഇവ പണം ഈടാക്കുകയും ചെയ്യും.
ഉപഭോക്താവ് ഒരിക്കല് ഈ ആപ്പ് ഡൗണ്ലോഡ് ചെയ്താല് ഇതിനോട് അനുബന്ധിച്ചുള്ള ആപ്പുകളോ, സമാനമായ ആപ്പുകളോ ഇന്സ്റ്റാള് ചെയ്യാനുള്ള അനുമതി ഉപഭോക്താവിനോട് ചോദിക്കും. കൂടാതെ ഉപഭോക്താവിന്റെ വിവരങ്ങള് ഇവ ചോര്ത്തിയെടുക്കുകയും ചെയ്യും.ഈ ആപ്പ് ഇന്സ്റ്റാള് ചെയ്ത ആളിന്റെ സമ്മതമില്ലാതെ തന്നെ മറ്റു പല സേവനങ്ങളിലും ഇവരെ അംഗമാക്കുകയും അവര് അറിയാതെ തന്നെ അക്കൗണ്ടില് നിന്നും പണം ഈടാക്കുകയും ചെയ്യും
കഴിവതും ആവശ്യമില്ലാത്ത ആപ്പുകൾ ഫോണിൽ ഇൻസ്റ്റാൾ ചെയ്യാതിരിക്കുന്നതാണ് നല്ലത്.
https://www.facebook.com/Malayalivartha
