അമേരിക്കന്‍ തെരഞ്ഞെടുപ്പില്‍ റിപ്പബ്ലിക്കന്‍ പാര്‍ട്ടി സ്ഥാനാര്‍ഥി ഡോണള്‍ഡ് ട്രംപ് വിജയിക്കുമെന്ന സൂചനയില്‍ പ്രതീക്ഷയര്‍പ്പിച്ച് ഓഹരി വിപണിയില്‍ മുന്നേറ്റം. സെന്‍സെക്സ് 700 പോയിന്റ് മുന്നേറി 80,000 എന്ന സൈക്കോളജിക്കല്‍ ലെവലിനും മുകളിലെത്തി. നിഫ്റ്റി 24,400 പോയിന്റിന് മുകളിലാണുള്ളത്.

അമേരിക്കന്‍ സമ്പദ് വ്യവസ്ഥയില്‍ ഉണ്ടാകുന്ന മാറ്റങ്ങള്‍ ഏറ്റവുമധികം സ്വാധീനിക്കുന്ന ഐടി ഓഹരികളിലാണ് ഏറ്റവും കൂടുതല്‍ മുന്നേറ്റമു ണ്ടായത്. മൂന്ന് ശതമാനമാണ് ഐടി ഓഹരികള്‍ കുതിച്ചത്.

ടിസിഎസ്, ഇന്‍ഫോസിസ്, എച്ച്സിഎല്‍ ടെക് ഓഹരികളെല്ലാം നേട്ടമുണ്ടാക്കി.കനത്ത ഇടിവിന് ശേഷം ഇന്നലെയാണ് ഓഹരി വിപണി തിരിച്ചുകയറിയത്. സെന്‍സെക്സ് ഇന്നലെ നേട്ടത്തോടെയാണ് വ്യാപാരം അവസാനിപ്പിച്ചത്.