വിപണി മൂല്യത്തില്‍ ഇടിവ്...ഓഹരി വിപണിയിലെ പത്ത് മുന്‍നിര കമ്പനികളില്‍ എട്ടെണ്ണത്തിന്റെ വിപണി മൂല്യത്തില്‍ ഇടിവ്. വ്യാഴാഴ്ച അവസാനിച്ച ആഴ്ചയില്‍ ഈ കമ്പനികളുടെ വിപണി മൂല്യത്തില്‍ ഒന്നടങ്കം 1,65,180.04 കോടി രൂപയുടെ ഇടിവാണ് രേഖപ്പെടുത്തിയിട്ടുള്ളത്. എച്ച്ഡിഎഫ്സി ബാങ്ക്, എസ്ബിഐ എന്നിവയാണ് ഏറ്റവുമധികം നഷ്ടം നേരിട്ടത്.

കഴിഞ്ഞയാഴ്ചയിലും ഓഹരി വിപണിക്ക് കനത്ത ഇടിവാണ് നേരിട്ടത്. സെന്‍സെക്സ് 1906 പോയിന്റിന്റെ നഷ്ടമാണ് രേഖപ്പെടുത്തിയത്. പണപ്പെരുപ്പനിരക്ക് ഉയരുന്നതും കമ്പനികളുടെ മോശം പാദഫല കണക്കുകളുമാണ് വിപണിയെ ബാധിച്ചിരിക്കുന്നത്.എച്ച്ഡിഎഫ്സിക്ക് മാത്രം കഴിഞ്ഞയാഴ്ച 46,729 കോടിയുടെ നഷ്ടമാണുണ്ടായത്. ഇതോടെ എച്ച്ഡിഎഫ്സിയുടെ വിപണി മൂല്യം 12,94,025 കോടിയായി കുറഞ്ഞു.

അതേസമയം ഇന്‍ഫോസിസ്, ടിസിഎസ് എന്നി കമ്പനികളുടെ വിപണി മൂല്യം ഉയര്‍ന്നു. ഇന്‍ഫോസിസ് 13,681 കോടി, ടിസിഎസ് 416.08 കോടി എന്നിങ്ങനെയാണ് ഈ കമ്പനികളുടെ വിപണി മൂല്യത്തില്‍ ഉണ്ടായ വര്‍ദ്ധനവ്.