യൂണിയന്‍ പബ്ലിക് സര്‍വീസ് കമ്മീഷന്‍ ഡെപ്യൂട്ടി ഡയറക്ടര്‍ ഉള്‍പ്പെടെയുള്ള തസ്തികകളിലേക്ക് ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിച്ചു.

യോഗ്യരായ ഉദ്യോഗാര്‍ത്ഥികള്‍ക്ക് UPSC യുടെ ഔദ്യോഗിക സൈറ്റായ upsc.gov.in വഴി ഓണ്‍ലൈനായി അപേക്ഷിക്കാം. തസ്തികകളിലേക്ക് അപേക്ഷിക്കാനുള്ള അവസാന തീയതി 2022 സെപ്റ്റംബര്‍ 29 വരെയാണ്.

54 തസ്തികകളിലേക്കാണ് തെരഞ്ഞെടുപ്പ് നടത്തുന്നത്. സീനിയര്‍ ഇന്‍സ്ട്രക്ടര്‍: 1 ഒഴിവ്, ഡെപ്യൂട്ടി ഡയറക്ടര്‍: 1 ,സയന്റിസ്റ്റ്: 9 ,ജൂനിയര്‍ സയന്റിഫിക് ഓഫീസര്‍: 1 ,ലേബര്‍ എന്‍ഫോഴ്സ്മെന്റ് ഓഫീസര്‍: 42 എന്നിങ്ങനെ മൊത്തം 54 തസ്തികകളിലേക്കാണ് ഒഴിവുകളുള്ളത്.

അപേക്ഷകര്‍ 25 രൂപ ഫീസ് അടയ്‌ക്കണം. പണമായോ എസ്ബിഐയുടെ നെറ്റ് ബാങ്കിംഗ് സൗകര്യം ഉപയോഗിച്ചോ വിസ/മാസ്റ്റര്‍ ക്രെഡിറ്റ്/ഡെബിറ്റ് കാര്‍ഡ് ഉപയോഗിച്ചോ അപേക്ഷ ഫീസടക്കാവുന്നതാണ്. SC/ST/PwBD/വനിതാ ഉദ്യോഗാര്‍ത്ഥികള്‍ക്ക് അപേക്ഷാ ഫീസ് ഇല്ല. ഉദ്യോഗാര്‍ത്ഥികള്‍ക്ക് കൂടുതല്‍ വിവരങ്ങള്‍ക്ക് UPSC വെബ്സൈറ്റ് സന്ദര്‍ശിക്കാവുന്നതാണ്.

മറ്റൊരു വിജ്ഞാപന പ്രകാരം യൂണിയന്‍ പബ്ലിക് സര്‍വീസ് കമ്മീഷന്‍ (UPSC) സയന്റിസ്റ്റ് 'ബി' (ഫോറന്‍സിക് സൈക്കോളജി), റീഹാബിലിറ്റേഷന്‍ ഓഫീസര്‍, മറ്റ് തസ്തികകളിലേക്ക് ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിക്കുന്നു. യോഗ്യതയുള്ള ഉദ്യോഗാര്‍ത്ഥികള്‍ക്ക് കമ്മീഷന്റെ ഔദ്യോഗിക വെബ്സൈറ്റ് upsconline.nic.in, upsc.gov.in എന്നിവ സന്ദര്‍ശിച്ച്‌ അപേക്ഷിക്കാം. അപേക്ഷകര്‍ക്ക് സെപ്റ്റംബര്‍ 15 നകം അപേക്ഷ സമര്‍പ്പിക്കണം. അതേസമയം, പൂര്‍ണ്ണമായി സമര്‍പ്പിച്ച ഓണ്‍ലൈന്‍ അപേക്ഷ പ്രിന്റ് എടുക്കുന്നതിനുള്ള അവസാന തീയതി സെപ്റ്റംബര്‍ 16 വരെയാണ്. ആകെ 19 ഒഴിവുകളാണുള്ളത്.

ആന്ത്രോപോളജിസ്റ്റ് (കള്‍ച്ചറല്‍ ആന്ത്രോപോളജി ഡിവിഷന്‍): 1,അസിസ്റ്റന്റ് സെന്‍ട്രല്‍ ഇന്റലിജന്‍സ് ഓഫീസര്‍ ഗ്രേഡ്-: 4, സെന്‍ട്രല്‍ ഫോറന്‍സിക് സയന്‍സ് ലബോറട്ടറി സയന്റിസ്റ്റ് 'ബി' : 1, സയന്റിസ്റ്റ് 'ബി' (ഫോറന്‍സിക് ഇലക്‌ട്രോണിക്സ്): 3, സയന്റിസ്റ്റ് 'ബി' (ഫോറന്‍സിക് സൈക്കോളജി): 3, റിഹാബിലിറ്റേഷന്‍ ഓഫീസര്‍: 4, ഡെപ്യൂട്ടി ഡയറക്ടര്‍ ജനറല്‍/റീജിയണല്‍ ഡയറക്ടര്‍: 3 എന്നിങ്ങനെയാണ് തസ്തികകളെക്കുറിച്ചുള്ള വിശദാംശങ്ങള്‍.

ഉദ്യോഗാര്‍ത്ഥികള്‍ 25/- (ഇരുപത്തിയഞ്ച് രൂപ) ഒന്നുകില്‍ എസ്ബിഐയുടെ ഏതെങ്കിലും ശാഖയില്‍ പണമായി അയച്ചോ അല്ലെങ്കില്‍ എസ്ബിഐയുടെ നെറ്റ് ബാങ്കിംഗ് സൗകര്യം ഉപയോഗിച്ചോ വിസ/മാസ്റ്റര്‍ ക്രെഡിറ്റ്/ഡെബിറ്റ് കാര്‍ഡ് ഉപയോഗിച്ചോ മാത്രം അപേക്ഷ ഫീസടക്കേണ്ടതാണ്. കൂടുതൽ വിവരങ്ങൾ അറിയാൻ upsconline.nic.in, upsc.gov.in എന്ന വെബ്സൈറ്റ് സന്ദർശിക്കേണ്ടതാണ്.