വിദേശത്ത് ജോലി നേടാൻ ആഗ്രഹിക്കുന്നവരാണ് നമ്മളിൽ പലരും. വിദേശ ജോലി എന്ന് കേൾക്കുമ്പോൾ കാനഡയും യു കെ യും ഒക്കെയാണ് മനസ്സിൽ വേഗം ഓടിവരിക. എന്നാൽ ഈ രണ്ടിടങ്ങളിൽ മാത്രമല്ല ജർമ്മനി അടക്കമുള്ള മറ്റു വിദേശത്തും തൊഴിൽ അവസരങ്ങൾ നിരവധിയാണ്. ഈ ജോലികൾ ചെയ്യാൻ തയ്യാറാണെങ്കിൽ ഉറപ്പായും ജർമനിയിൽ നിങ്ങൾക്ക് ജോലി നേടാൻ സാധിക്കും. മൂന്ന് വർഷം കഴിഞ്ഞാൽ പൗരത്വമടക്കമുള്ള ആനുകൂല്യങ്ങളും നേടാവുന്നതാണ്. ലക്ഷകണക്കിന് ആളുകൾക്കായി വമ്പൻ തൊഴിൽ അവസരങ്ങൾ ഒരുക്കി ജർമ്മനി.

വിദഗ്ദ്ധരായ വിദേശ തൊഴിലാളികളെ ആകർഷിക്കാൻ വേണ്ടി ഇമിഗ്രേഷൻ നിയമങ്ങൾ ലളിതമാക്കാൻ തയ്യാറെടുക്കുകയാണ് യൂറോപ്യൻ രാജ്യമായ ജർമ്മനി. വർദ്ധിച്ചുവരുന്ന തൊഴിലാളി ക്ഷാമം പരിഹരിക്കുന്നതിന് വേണ്ടിയാണ് ഈ നീക്കം.

ജർമനയിൽ ജോലി ആഗ്രഹിക്കുന്നവർക്ക് ഇതൊരു സുവർണ്ണാവസരം തന്നെയാണ്. പുതിയ ഇമിഗ്രേഷൻ നിയമം അനുസരിച്ച് വിദഗ്ദ്ധ തൊഴിലാളികൾക്ക് ഇരട്ട പൗരത്വവും മൂന്ന് മുതൽ അഞ്ച് വർഷത്തേക്കായി പ്രത്യേക പൗരത്വ പദവിയും രാജ്യം വാഗ്ദ്ധാനം ചെയ്യുന്നു എന്നതാണ് ഒരു ആകർഷകമായ കാര്യം.

ധനമന്ത്രി റോബർട്ട് ഹാബെക്കാണ് ഇത് സംബന്ധിച്ച സൂചന പുറത്ത് വിട്ടത്. യൂട്യൂബ് ചാനലിലൂടെയാണ് മന്ത്രിയുടെ വെളിപ്പെടുത്തൽ പുറത്തുവന്നത്. 2026 ആകുമ്പോഴേക്കും ജർമ്മനിയിൽ 240,000 വിദഗ്ദ്ധ തൊഴിലാളികളുടെ കുറവുണ്ടാകുമെന്ന് കഴിഞ്ഞ ആഴ്ച തൊഴിൽ മന്ത്രി ഹുബെർട്ടസ് ഹെയിൽ പറഞ്ഞിരുന്നു.

ജർമ്മനി തേടുന്നത് വിദഗ്ദ്ധരായ കരകൗശല തൊഴിലാളികൾ, ഇലക്ട്രിക്കൽ എഞ്ചിനീയർമാർ, ഐടി വിദഗ്ദ്ധർ, പരിചരണം, നഴ്സുമാർ, കാറ്ററിംഗ്, ഹോസ്പിറ്റാലിറ്റി പ്രൊഫഷണലുകൾ എന്നിവരെയാണ്. കഴിഞ്ഞ നവംബറിലാണ് ജർമ്മനി ഇരട്ടപൗരത്വം അനുവദിക്കുന്നതിനുള്ള പദ്ധതികൾ പ്രഖ്യാപിച്ചത്.

മുൻപ് അപൂർവ സാഹചര്യങ്ങളിൽ മാത്രമേ ജർമ്മനി ഇരട്ടപൗരത്വം അനുവദിച്ചിരുന്നുള്ളൂ. ഇതിനൊപ്പം രാജ്യത്തേക്ക് വരുന്നവർക്കുള്ള അപേക്ഷാ പ്രക്രിയ ലളിതമാക്കാനും തീരുമാനമായിട്ടുണ്ട്. ഇതിന്റെ ഭാഗമായി പൗരത്വത്തിന് അപേക്ഷിക്കുന്നതിന് മുമ്പ് ഒരാൾക്ക് ജർമ്മനിയിൽ താമസിക്കേണ്ട കാലാവധി കുറയ്ക്കും. അതിനാൽ ഇത്തരം അവസരങ്ങൾ ആരും പാഴാക്കരുത്.