എയര്ലൈന് മേഖലയില് ജോലി നേടാൻ ആഗ്രഹിക്കുന്നവർക്കിതാ ഒരു സുവർണ്ണാവസരം...ഇന്ത്യയിലുടനീളമുള്ള വിവിധ സ്ഥലങ്ങളിലായി നിരവധി ജീവനക്കാരെ നിയമിക്കുന്നു...
എയര്ലൈന് മേഖലയില് ജോലി നേടാൻ ആഗ്രഹിക്കുന്നവർക്ക് അവസരങ്ങൾ ഒരുക്കി ഖത്തര് എയര്വേയ്സ്. പലരും സ്വപ്നം കാണുന്ന ഒരു എയര്ലൈന് കമ്പനിയാണ് ഖത്തർ എയർവേയ്സ്. ഖത്തര് എയര്വേയ്സ് പോലുള്ള ഒരു വലിയ കമ്പനിയില് ജോലി ലഭിക്കണമെന്ന് ആഗ്രഹിക്കുന്ന ഇന്ത്യക്കാരും ഒട്ടും കുറവല്ല. എന്നാല് ഇപ്പോഴിതാ ഇന്ത്യക്കാര്ക്ക് സന്തോഷം നല്കുന്ന ഒരു വാര്ത്തയാണ് ഖത്തര് എയര്വേയ്സില് നിന്നും പുറത്തുവരുന്നത്.
ഇന്ത്യയിലുടനീളമുള്ള വിവിധ സ്ഥലങ്ങളിലായി ഖത്തര് എയര്വേയ്സ് നിരവധി ജീവനക്കാരെ നിയമിക്കുമെന്ന് എയര്ലൈന് അറിയിച്ചു. സെപ്തംബര് 16 മുതല് നെറ്റ്വര്ക്ക് അപേക്ഷകള് സ്വീകരിച്ചുതുടങ്ങും. ഇന്ത്യന് പൗരന്മാര്ക്ക് ഡിവിഷനുകളിലുടനീളമുള്ള വിവിധ റോളുകള്ക്കായി അപേക്ഷകള് അയയ്ക്കാമെന്ന് കമ്പനി അറിയിച്ചു.
ഖത്തര് എയര്വേയ്സ്, ഖത്തര് ഡ്യൂട്ടി ഫ്രീ, ഖത്തര് ഏവിയേഷന് സര്വീസസ്, ഖത്തര് എയര്വേയ്സ് കാറ്ററിംഗ് കമ്പനി, ഖത്തര് ഡിസ്ട്രിബ്യൂഷന് കമ്പനി തുടങ്ങി ദിയാഫത്തീന ഹോട്ടലുകള് വരെയുള്ള വിവിധ വിഭാഗങ്ങളിലേക്ക് ജീവനക്കാരെ നിയമിക്കാനാണ് ഖത്തര് എയര്വേയ്സ് ലക്ഷ്യമിടുന്നത്.
പാചകം, കോര്പ്പറേറ്റ്, വാണിജ്യം, മാനേജ്മെന്റ്, കാര്ഗോ, ഉപഭോക്തൃ സേവനം, എഞ്ചിനീയറിംഗ്, ഫ്ലൈറ്റ് ഓപ്പറേഷന്സ്, ഗ്രൗണ്ട് സര്വീസ്, സേഫ്റ്റി ആന്ഡ് സെക്യൂരിറ്റി, ഡിജിറ്റല്, അഡ്മിനിസ്ട്രേഷന്, അതുപോലെ സെയില്സ് തുടങ്ങിയ റോളുകള്ക്കായി ഗണ്യമായ എണ്ണം ജീവനക്കാരെ നിയമിക്കാന് പദ്ധതിയിടുന്നെന്ന് ഖത്തര് എയര്വേയ്സ് അറിയിച്ചു.
തിരഞ്ഞെടുക്കപ്പെട്ട ഉധ്യോകാർത്തികൾക്ക് താമസവും അലവന്സുകളും ഉള്പ്പെടെയുള്ള മത്സര നികുതി രഹിത വരുമാനം ലഭിക്കുമെന്ന് എയര്ലൈന് അറിയിച്ചു.
ഇന്ത്യയിലെ റിക്രൂട്ട്മെന്റ് ഡ്രൈവ് 2022 സെപ്റ്റംബര് 16, 17 തീയതികളിൽ ഡല്ഹിയിലും, 2022 സെപ്റ്റംബര് 29, 30 തീയതികളില് മുംബൈയിലും നടക്കും. താല്പ്പര്യമുള്ള അപേക്ഷകര്ക്ക് ഖത്തര് എയര്വേയ്സ് കരിയര് പേജ് വഴി ഓണ്ലൈനായി അപേക്ഷിക്കാം. കൂടുതൽ വിവരങ്ങൾക്കായി https://qatarairways.com/recruitment എന്ന വെബ്സൈറ്റ് സന്ദർശിക്കേണ്ടതാണ്.
https://www.facebook.com/Malayalivartha