കേരള വന ഗവേഷണ സ്ഥാപനത്തില്‍ വിവിധ തസ്തികകളിലായി ഒഴിവുകൾ. ഐ.ടി ടെക്നിക്കൽ കൺസൾറ്റന്റ്, നഴ്സറി/ക്യുപിഎം മാനേജ്മെന്റ് ടെക്നിക്കൽ കൺസൾറ്റന്റ് എന്നി ഒഴിവുകളാണുള്ളത്. താല്പര്യമുള്ളവർ സെപ്റ്റംബർ 16ന് രാവിലെ പത്ത് മണിക്ക് അസൽ സർട്ടിഫിക്കറ്റുകൾ സഹിതം പീച്ചിയിലെ കേരള വന ഗവേഷണ ഓഫീസിൽ നടത്തുന്ന ഇന്റർവ്യൂവിൽ പങ്കെടുക്കുക.

ഐ.ടി ടെക്നിക്കൽ കൺസൾറ്റന്റ് തസ്തികയിലേക്കുള്ള വിദ്യാഭ്യാസ യോഗ്യത സയൻസ് വിഷയങ്ങളിൽ ഒന്നാം ക്ലാസ് ബിരുദാനന്തര ബിരുദം, പിജിഡിസിഎ/ഡിസിഎസ്/എംസിഎ, അംഗീകൃത സ്ഥാപനത്തിൽ നിന്ന് ഔഷധ സസ്യങ്ങളിലും പ്രോഗ്രാമിംഗിലും ഡാറ്റാബേസ് മാനേജ്മെന്റിലും കുറഞ്ഞത് 10 വർഷത്തെ പരിചയവും വേണം. പ്രായം 60 വയസ് കവിയരുത്.

നഴ്സറി/ക്യുപിഎം മാനേജ്മെന്റ് ടെക്നിക്കൽ കൺസൾറ്റന്റ് തസ്തികയിലേക്കുള്ള വിദ്യാഭ്യാസ യോഗ്യത ബോട്ടണി/ഫോറസ്ട്രി ഏതെങ്കിലും വിഷയത്തിലുള്ള ഒന്നാം ക്ലാസ് ബിരുദാനന്തര ബിരുദം, ഔഷധ സസ്യങ്ങളിലെ നഴ്സറി/ അഗ്രോടെക്നിക്സ് /ക്യുപിഎം മാനേജ്മെന്റ് എന്നിവയിൽ കുറഞ്ഞത് 5 വർഷത്തെ ഗവേഷണ പരിചയം ആണ് യോഗ്യത. പ്രായം 40 വയസ് കവിയരുത്.

കൂടുതൽ വിവരങ്ങൾ അറിയാൻ www.kfri.res.in എന്ന വെബ്സൈറ്റ് സന്ദര്‍ശിക്കുക.

കേരള ഫോറസ്റ്റ് റിസർച്ച് ഇൻസ്റ്റിറ്റ്യൂട്ട് (കെഎഫ്ആർഐ) ഉഷ്ണമേഖലാ വനങ്ങളെക്കുറിച്ചും വനങ്ങളെക്കുറിച്ചും ഗവേഷണം നടത്തുന്ന വിദഗ്ധരുടെ ഒരു മൾട്ടി ഡിസിപ്ലിനറി ടീമാണ്. ഈ ഇൻസ്റ്റിറ്റ്യൂട്ട് അതിന്റെ നിലനിൽപ്പിന്റെ കഴിഞ്ഞ മൂന്ന് പതിറ്റാണ്ടുകളായി ഉഷ്ണമേഖലാ വനവൽക്കരണത്തിലും ജൈവവൈവിധ്യ സംരക്ഷണത്തിലും ഗവേഷണത്തിന് ഗണ്യമായ സംഭാവന നൽകിയിട്ടുണ്ട്.

1975-ൽ സ്ഥാപിതമായ ഇൻസ്റ്റിറ്റ്യൂട്ട്, പ്രകൃതിവിഭവങ്ങളുടെ സംരക്ഷണം, സുസ്ഥിര വിനിയോഗം, ശാസ്ത്രീയ പരിപാലനം എന്നിവയിൽ പ്രത്യേക ഊന്നൽ നൽകിക്കൊണ്ട് വനമേഖലയുമായി ബന്ധപ്പെട്ട കാര്യങ്ങളിൽ തീരുമാനമെടുക്കുന്നതിന് ശാസ്ത്രീയ പിന്തുണ നൽകുന്നതിന് ഉഷ്ണമേഖലാ വനവൽക്കരണത്തിലെ മികവിന്റെ കേന്ദ്രമായി വിഭാവനം ചെയ്തിട്ടുണ്ട്.