കുടുംബശ്രീയുടെ ബോയ്‌ലർ ഫാർമേഴ്‌സ് പ്രൊഡ്യൂസർ കമ്പനി ലിമിറ്റഡിൽ (കേരള ചിക്കൻ) ഒഴിവുകൾ. സ്ഥാപനത്തിന്റെ പ്രവർത്തനങ്ങൾ കാര്യക്ഷമമായി നടത്തുന്നതിനും ഏകോപിപ്പിക്കുന്നതിനും ലിഫ്റ്റിങ് സൂപ്പർവൈസർ തസ്തികയിലേയ്ക്ക് അപേക്ഷ ക്ഷണിച്ചു.

പ്ലസ്ടു യോഗ്യതയുള്ള പുരുഷന്മാർക്ക് അപേക്ഷിക്കാം. ഉയർന്ന പ്രായപരിധി 35 വയസ.് ബ്രോയിലർ ഇൻഡസ്ട്രിയിൽ പ്രവർത്തി പരിചയമുളളവർക്ക് മുൻഗണന ലഭിക്കും.

അപേക്ഷഫോം കുടുംബശ്രീ സി.ഡി.എസ് ഓഫീസിൽ ലഭിക്കും. ബയോഡേറ്റ സെപ്റ്റംബർ 20ന് വൈകിട്ട് അഞ്ചുമണിക്കകം ജില്ലാ മിഷൻ കോ-ഓർഡിനേറ്റർ, കുടുംബശ്രീ ജില്ലാമിഷൻ, രണ്ടാം നില, ജില്ലാ പഞ്ചായത്ത് ഭവൻ, സിവിൽ സ്റ്റേഷൻ പി.ഒ., കോട്ടയം-686002 എന്ന വിലാസത്തിൽ നൽകണം. വിശദവിവരത്തിന് ഫോൺ: 0481 2302049.

കുടുംബശ്രീ കേരള ചിക്കൻ എന്ന ബ്രാൻഡിൽ കേരളത്തിലുടനീളമുള്ള ഉപഭോക്താക്കൾക്ക് ഗുണനിലവാരമുള്ള ബ്രോയിലർ ചിക്കൻ മാംസം ന്യായമായ വിലയ്ക്ക് ലഭ്യമാക്കുന്നതിനായി കേരള സർക്കാർ പ്രോത്സാഹിപ്പിക്കുന്ന പദ്ധതിയാണിത്.

കുടുംബശ്രീ ശൃംഖലയുടെ പിന്തുണയോടെ കേരളത്തിൽ ഉടനീളം ബ്രോയിലർ ചിക്കൻ ഫാമുകൾ സ്ഥാപിക്കുക, ബ്രീഡർ യൂണിറ്റുകൾ, ഹാച്ചറീസ് ഫീഡ് സപ്ലൈ യൂണിറ്റുകൾ, അറവുശാലകൾ, ബ്ലാസ്റ്റ് ഫ്രീസറുകൾ, റെൻഡറിംഗ് പ്ലാന്റുകൾ, കോൾഡ് സ്റ്റോറേജുകൾ, ബ്രാൻഡിന് കീഴിൽ വിപണനം എന്നിവ ഈ പദ്ധതിക്ക് കീഴിൽ കേരള സർക്കാർ വിഭാവനം ചെയ്യുന്നു.

"കേരള ചിക്കൻ- കുടുംബശ്രീ നിർമ്മിക്കുന്നു" എന്ന പേരും നിലവിലുള്ള സൂപ്പർമാർക്കറ്റുകളിലൂടെയും കുടുംബശ്രീ അംഗങ്ങളുടെ പുതിയ ഔട്ട് ലെറ്റുകളിലൂടെയും വിൽപ്പന നടത്തുന്നു.. മുഴുവൻ ഘട്ടങ്ങളും കുടുംബശ്രീ അംഗങ്ങൾ വ്യക്തിഗതമായോ സംയുക്തമായോ കുടുംബശ്രീ എഡിഎസ്, സിഡിഎസ്, കുടുംബശ്രീ ജില്ലാ, സംസ്ഥാന മിഷൻ എന്നിവയുടെ പിന്തുണയോടെ നിയന്ത്രിക്കും.