ചിട്ടയായി പഠിച്ചാൽ ബാങ്ക് ജോലി കൈവെള്ളയിൽ...SBI യിൽ ഒഴിവുകൾ...അപേക്ഷിക്കാം ,ഇപ്പോൾ തന്നെ
ബാങ്കിങ് മേഖലയിൽ ഇപ്പോൾ ഒഴിവുകളുടെ പെരുമഴക്കാലമാണ്. SBI ഇപ്പോൾ 5008 ജൂനിയർ അസോസിയേറ്റ് തസ്തികകളിൽ ഒഴിവുകൾ പ്രഖ്യാപിച്ചട്ടുണ്ട് . ഒഴിവുകൾ കുറിച്ചുള്ള വിവരങ്ങൾ പറയുന്നതിന് മുൻപ് ബാങ്ക് പരീക്ഷയ്ക്ക് തയ്യാറെടുക്കുമ്പോൾ തീർച്ചയായും നമ്മൾ അറിഞ്ഞിരിക്കേണ്ട, അല്ലെങ്കിൽ ഓർത്തിരിക്കേണ്ട ചില കാര്യങ്ങൾ ഉണ്ട്
ബാങ്ക് ടെസ്റ്റുകളിൽ പൊതുവിജ്ഞാനം, ഇംഗ്ലിഷ് ..ഇവരണ്ടും നല്ലതുപോലെ മനസ്സിലാക്കി പഠിക്കേണ്ടതുണ്ട്. പൊതുവിജ്ഞാനത്തിൽ ധനകാര്യം ,ബാങ്കിങ് മേഖല, എന്നിവയെ കുറിച്ചുള്ള ചോദ്യങ്ങൾ പ്രതീക്ഷിക്കാം
ക്ലറിക്കൽ പരീക്ഷ എഴുതുന്നവർക്ക് കണക്കിന്റെ അടിസ്ഥാന തത്ത്വങ്ങൾ മനസിലാക്കാൻ, യുപി ക്ലാസുകളിലെ കണക്കു പുസ്തകങ്ങളും ഓഫിസർ പോസ്റ്റിലേക്ക് ഹിഗ് സ്കൂൾ ക്ളാസ്സിലെ കണക്ക് പുസ്തകവും സഹായകമാകും.
എസ്ബിഐ ജൂനിയർ അസോസിയേറ്റ് തസ്തികയിലേ 5008 ഒഴിവുകളാണ് വിജ്ഞാപനം ചെയ്തത്. 20 നും 28 നും ഇടയിലുള്ളവർക്ക് അപേക്ഷിക്കാവുന്നതാണ് . അംഗീകൃത സർവകലാശാലകളിൽ നിന്ന് ഏതെങ്കിലും വിഷയത്തിൽ ബിരുദം നേടിയവർക്കും തതുല്യ യോഗ്യതയുള്ളവർക്കും അപേക്ഷിക്കാം.
ഓൺലൈൻ പരീക്ഷയും (പ്രിലിമിനറി & മെയിൻ പരീക്ഷയും) തിരഞ്ഞെടുത്ത പ്രാദേശിക ഭാഷയുടെ പരീക്ഷയും ഉൾപ്പെടുന്നതാണ് സെലക്ഷൻ പ്രക്രിയ. 100 മാർക്കിന്റെ ഒബ്ജക്ടീവ് പരീക്ഷ അടങ്ങുന്ന പ്രിലിമിനറി പരീക്ഷ ഓൺലൈനായാണ് നടത്തുക. നെഗറ്റീവ് മാർക്കിങ് രീതിയിലായിരിക്കും പ്രിലിമിനറി. ചോദ്യത്തിന് നൽകിയിട്ടുള്ള മാർക്കിന്റെ 1/4 ആണ് നെഗറ്റീവ് മാർക്ക്.
കേരള സർക്കിളില് 279 ഒഴിവുകളാണുള്ളത് .തെങ്കിലും ഒരു സംസ്ഥാനത്തെ ഒഴിവിലേക്കു മാത്രം അപേക്ഷിക്കുക. ആ സംസ്ഥാനത്തെ ഔദ്യോഗിക / പ്രാദേശിക ഭാഷയിൽ പ്രാവീണ്യം (എഴുതാനും വായിക്കാനും സംസാരിക്കാനും മനസ്സിലാക്കാനും) വേണം.
100 ഒബ്ജക്ടീവ് ചോദ്യങ്ങൾ: ഓൺലൈനായി ഒരു മണിക്കൂർ പ്രിലിമിനറി പരീക്ഷ നവംബറിൽ നടക്കും. ഇംഗ്ലീഷ്, ന്യൂമെറിക്കൽ എബിലിറ്റി, റീസണിങ് എബിലിറ്റി വിഭാഗങ്ങളിൽ നിന്നുള്ള 100 ഒബ്ജക്ടീവ് ചോദ്യങ്ങളുണ്ടാകും.
കേരളത്തിലെ കേന്ദ്രങ്ങൾ: കേരളത്തിൽ കണ്ണൂർ, കോഴിക്കോട്, മലപ്പുറം, പാലക്കാട്, തൃശൂർ, കൊച്ചി, കോട്ടയം, ഇടുക്കി, ആലപ്പുഴ, പത്തനംതിട്ട, കൊല്ലം, തിരുവനന്തപുരം എന്നിവിടങ്ങളിൽ കേന്ദ്രമുണ്ട്.
മെയിൻ പരീക്ഷയും ഓൺലൈൻ ഒബ്ജക്ടീവ് മാതൃകയിലാണ്. പ്രാദേശിക ഭാഷാപരിജ്ഞാനം പരിശോധിക്കാൻ ലാംഗ്വേജ് ടെസ്റ്റും നടത്തും. 10 / 12 ക്ലാസ് വരെ ഭാഷ പഠിച്ചെന്നു രേഖ (മാർക്ക് ഷീറ്റ്/സർട്ടിഫിക്കറ്റ്) ഹാജരാക്കുന്നവർക്ക് ഇതു ബാധകമല്ല.
അപേക്ഷാ ഫീസ്: General/OBC/EWS വിഭാഗത്തിൾ ഉൾപ്പെടുന്ന അപേക്ഷകർക്ക് 750 രൂപയാണ് അപ്ലിക്കേഷൻ ഫീസ്. SC/ ST/ PwBD/ DESM വിഭാഗങ്ങളിലുള്ള ഉദ്യോഗാർത്ഥികളെ അപ്ലിക്കേഷൻ ഫീസിൽ നിന്നും ഒഴിവാക്കിയിട്ടുണ്ട്. ഈ മാസം 27 വരെ അപേക്ഷിക്കാം. കൂടുതൽ വിവരങ്ങൾ അറിയാൻ വെബ്സൈറ്റ് www.sbi.co.in എന്ന വെബ്സൈറ്റ് സന്ദർശിക്കേണ്ടതാണ്.
https://www.facebook.com/Malayalivartha