തിരുവനന്തപുരത്തെ രാജീവ് ഗാന്ധി സെന്റര്‍ ഫോര്‍ ബയോടെക്‌നോളജി 2018 ഫെബ്രുവരി സെഷനിലേക്കുള്ള പിഎച്ച്.ഡി പ്രോഗ്രാം പ്രവേശനത്തിന് അപേക്ഷകള്‍ ക്ഷണിച്ചു. ഡിസീസ് ബയോളജി മേഖലയിലാണ് ഗവേഷണ പഠനാവസരം.
ഇനിപറയുന്ന യോഗ്യതകള്‍ ഉള്ളവര്‍ക്ക് അപേക്ഷിക്കാം. ലൈഫ് സയന്‍സ്/കെമിക്കല്‍/അഗ്രികള്‍ച്ചര്‍/എന്‍വയോണ്‍മന്റെല്‍/വെറ്ററിനറി/ഫാര്‍മസ്യൂട്ടിക്കല്‍/മെഡിക്കല്‍ സയന്‍സ് വിഷയങ്ങളിലൊന്നില്‍ ഫസ്റ്റ്ക്ലാസ് പോസ്റ്റ് ഗ്രാജ്വേറ്റ് ബിരുദം അല്ലെങ്കില്‍ ഫസ്റ്റ്ക്ലാസ് എം.ബി.ബി.എസ് ബിരുദം നേടിയിരിക്കണം. ഇതിനുപുറമെ പ്രാബല്യത്തിലുള്ള യു.ജി.സിസി.എസ്.ഐ.ആര്‍/ഐ.സി.എം.ആര്‍/ഡി.ബി.ടി INSPIRE/KSCSTE. ഫെലോഷിപ്പ് യോഗ്യതയും നേടിയിട്ടുണ്ടാവണം.
ഫെലോഷിപ്പ് യോഗ്യതയില്ലാത്തവര്‍ക്ക് പോസ്റ്റ് ഗ്രാജ്വറ്റ് ബിരുദ പരീക്ഷയില്‍ 70 ശതമാനം മാര്‍ക്കില്‍/സി.ജി.പി.എ 70യില്‍ കുറയാതെ നേടിയിരിക്കണമെന്നുണ്ട്. പട്ടികജാതി/വര്‍ഗക്കാര്‍ക്ക് 55 ശതമാനം മാര്‍ക്ക്/സി.ജി.പി.എ 60യില്‍ കുറയാതെ ഉണ്ടാകണം. ഉയര്‍ന്ന പ്രായപരിധി 2018 ഫെബ്രുവരി 28ന് 28 വയസ്സ് കവിയാന്‍ പാടില്ല. പട്ടികജാതി/വര്‍ഗക്കാര്‍ക്കും ശാരീരിക വെല്ലുവിളികള്‍ നേരിടുന്നവര്‍ക്കും ചട്ടപ്രകാരമുള്ള ഇളവ് അനുവദിക്കും.

അപേക്ഷഫോറവും വിശദ വിവരങ്ങളടങ്ങിയ വിജ്ഞാപനവും www.rgcb.res.in/phd-admissions -Jan 2018 Php.. ല്‍നിന്നും ഡൗണ്‍ലോഡ് ചെയ്യാം. അപേക്ഷഫീസ് 1000 രൂപ. പട്ടികജാതി/വര്‍ഗക്കാരെ അപേക്ഷഫീസില്‍നിന്നും ഒഴിവാക്കിയിട്ടുണ്ട്. അപേക്ഷ സമര്‍പ്പണത്തിനുള്ള നിര്‍ദേശങ്ങള്‍ വെബ്‌സൈറ്റിലുണ്ട്. പൂരിപ്പിച്ച അപേക്ഷ ബന്ധപ്പെട്ട രേഖകള്‍ സഹിതം 2018 മാര്‍ച്ച് രണ്ടിന് മുമ്പായി കിട്ടത്തക്കവണ്ണം The Director, Rajiv Gandhi Centre for Biotechnology, Thiruvananthapuram, 695014 Kerala State... എന്ന വിലാസത്തില്‍ അയക്കണം.

തെരഞ്ഞെടുപ്പിനായുള്ള എഴുത്തുപരീക്ഷ 2018 മാര്‍ച്ച് 25ന് തിരുവനന്തപുരത്ത് രാജീവ് ഗാന്ധി ബയോടെക്‌നോളജി സെന്ററില്‍ നടത്തും. ഇന്റര്‍വ്യൂ നടത്തിയാണ് അന്തിമ സെലക്ഷന്‍. കൂടുതല്‍ വിവരങ്ങള്‍ക്ക് www.rgcb.res.in/phd...  ല്‍ ലഭിക്കും