എന്നെ സഹായിക്കണം; കേണപേക്ഷിച്ച് മലയാളികളുടെ സുഡു മോന്
സുഡാനി ഫ്രം നൈജീരിയ എന്ന ചിത്രത്തിലൂടെ മലയാളികള്ക്ക് പ്രിയങ്കരനായ താരമാണ് സാമുവല് എബിയോള റോബിന്സണ്. സുഡാനി വന് വിജയമായതു പോലെ ഈ ആഫ്രിക്കന് താരവും കേരളത്തില് ഹിറ്റായി. ഇപ്പോള് തന്റെ രണ്ടാമത്തെ ചിത്രത്തിലൂടെ വീണ്ടും മലയാളത്തിലേയ്ക്ക് തിരിച്ചെത്തിയിരിക്കുകയാണ് താരം. എന്നാല് ഇത്തവണ ഏറെ വിഷമത്തിലാണ് താരം.
ഒരു കരീബിയന് ഉഡായിപ്പ് എന്ന തന്റെ പുതിയ ചിത്രത്തിനായി കേണപേക്ഷിച്ചിരിക്കുകയാണ് മലയാളികളുടെ സ്വന്തം സുഡു. ഈ സിനിമ ആരും കാണുന്നില്ലെന്ന സത്യം താന് ഹൃദയം തകരുന്ന വേദനയോടെയാണ് കേട്ടതെന്നും ഡിസ്റ്റ്രിബ്യൂഷനിലുണ്ടായ പിഴവുകള് ക്ഷമിക്കണമെന്നും പറഞ്ഞാണ് സാമുവല് അബിയോള റോബിന്സണ് എന്ന മലയാളികളുടെ സ്വന്തം സുഡാനി രംഗത്തു വന്നത്. പുതുമുഖങ്ങള് ഏറെ ഉള്പ്പെട്ട സിനിമയായതിനാല് തങ്ങളുടെ ഭാഗത്തു നിന്ന് തെറ്റുകള് വന്നിട്ടുണ്ടെന്നും പക്ഷേ നിര്മാതാവിന് വലിയ നഷ്ടം വരുമെന്നതിനാല് അദ്ദേഹത്തെ സഹായിക്കണമെന്നും സാമുവല് പറയുന്നു.
'ഒരുപാട് പേര്ക്ക് സിനിമ കാണാന് ആഗ്രഹം ഉണ്ടെങ്കിലും സാധിക്കുന്നില്ല. തീയറ്ററുകളില് സിനിമ ഇല്ലാത്തതാണ് കാരണം. സിനിമയുടെ ഡിസ്റ്റ്രിബ്യൂഷനിലുണ്ടായ പിഴവുകള് മൂലമാണ് ഇങ്ങനെ സംഭവിച്ചത്. ഞങ്ങളുടെ തെറ്റുകള് ക്ഷമിക്കണം. ഞാന് നിങ്ങളോട് സഹായം അഭ്യര്ഥിക്കുന്നു. ചിത്രത്തിന്റെ നിര്മാതാവിനെ സഹായിക്കണം. അല്ലെങ്കില് അദ്ദേഹത്തിന് വലിയ നഷ്ടം ഉണ്ടാകും.' സാമുവല് പറഞ്ഞു.
ജനുവരി 10-നാണ് ഒരു കരീബിയന് ഉടായിപ്പ് എന്ന ചിത്രം റിലീസാകുന്നത്. എന്നാല് രജനീകാന്ത് ചിത്രമായ പേട്ടയും അജിത് ചിത്രമായ വിശ്വാസവും റിലീസ് ചെയ്യുന്ന ദിവസമായതിനാല് വളരെ കുറച്ച് തീയറ്ററകുള് മാത്രമാണ് ഈ സിനിമയ്ക്ക് ലഭിച്ചത്. മികച്ച അഭിപ്രായം ഉണ്ടായിട്ടും ചിത്രത്തിന് കൂടുതല് തീയറ്ററുകള് ഇപ്പോഴും ലഭിക്കുന്നില്ല.
https://www.facebook.com/Malayalivartha
