കസ്തൂരിമാനിലെ കാവ്യ; നടി റബേക്ക സന്തോഷ് വിവാഹിതയാകുന്നു; വരന്‍ പ്രമുഖ സംവിധായകന്‍
കസ്തൂരിമാന്‍ സീരിയലിലെ കാവ്യ എന്ന കഥാപാത്രത്തിലൂടെ മലയാളികള്‍ക്ക് സുപരിചിതയാണ് യുവനടി റബേക്ക സന്തോഷ്. കഴിഞ്ഞ ദിവസം ഒരു ചാനല്‍ പരിപാടിയില്‍ അതിഥിയായി റബേക്ക എത്തിയിരുന്നു. പരിപാടിക്കിടെ റബേക്കയുടെ പ്രണയത്തെക്കുറിച്ച് അവതാരക റിമി ടോമി ചോദിച്ചിരുന്നു. വീട്ടിലൊരു മംഗളകര്‍മ്മം നടക്കാന്‍ പോവുകയാണല്ലോയെന്ന് റിമി ടോമി ചോദിച്ചപ്പോള്‍ റബേക്ക ഒഴിഞ്ഞുമാറി. എന്നാല്‍ തനിക്ക് പ്രണയമുണ്ടെന്ന് റബേക്ക സമ്മതിക്കുകയും ചെയ്തു. ഇതോടെ റബേക്കയുടെ കാമുകന്‍ ആരാണെന്ന അന്വേഷണത്തിലായിരുന്നു ആരാധകര്‍. പരിപാടിക്കിടെ പറഞ്ഞില്ലെങ്കിലും തന്റെ പ്രണയം നേരത്തേ തന്നെ സോഷ്യല്‍ മീഡിയയിലൂടെ വെളിപ്പെടുത്തിയിട്ടുണ്ട് റബേക്ക.
കുട്ടനാടന്‍ മാര്‍പാപ്പ എന്ന കുഞ്ചാക്കോ ബോബന്‍ ചിത്രത്തിന്റെ സംവിധായകന്‍ ശ്രീജിത്ത് വിജയനാണ് റബേക്കയുടെ ഭാവി വരന്‍. 'ഒഫിഷ്യലി കമ്മിറ്റഡ്' എന്ന കുറിപ്പോടെ ഇരുവരുമൊന്നിച്ചുള്ള ചിത്രം റബേക്ക സമൂഹ മാധ്യമങ്ങളില്‍ പങ്കുവെച്ചിട്ടുണ്ട്.
സംവിധായകനു പുറമേ അറിയപ്പെടുന്ന ഛായാഗ്രാഹകനുമാണ് ശ്രീജിത്ത്. എറണാകുളം സെന്റ് തെരേസാസ് കോളേജില്‍ അവസാന വാര്‍ഷ ബിരുദ വിദ്യാര്‍ത്ഥിനിയാണ് റബേക്ക.
https://www.facebook.com/Malayalivartha
