ലിഫ്റ്റ് ചോദിച്ച് കൈകാണിച്ചു, കാറില് കയറി ഡ്രൈവറെ കണ്ടപ്പോള് കുട്ടികള് ഞെട്ടി
നടന് സുരാജ് വെഞ്ഞാറമൂടിന്റെ കാറിന് കൈകാണിച്ച് ലിഫ്റ്റ് അടിച്ച രണ്ടു കുട്ടികളാണ് സോഷ്യല് മീഡിയയില് ഇപ്പോള് ശ്രദ്ധയരാകുന്നത്. സ്കൂളില് നിന്നും മറ്റും വരുന്ന വഴിക്ക് വിദ്യാര്ത്ഥികള് വാഹനങ്ങള്ക്ക് കൈകാണിക്കുകയും ചരിചയമില്ലാത്തവര്ക്കൊപ്പം ലിഫ്റ്റ് അടിക്കുകയും ചെയ്യുന്നതൊക്കെ പതിവു കാഴ്ചയാണ്. ഇതിലെ അപകടത്തെക്കുറിച്ച് കുട്ടികളോട് പറഞ്ഞാലും അവര് മനസ്സിലാക്കാറില്ല. ഇത്തരത്തില് ലിഫ്റ്റ് അടിച്ച രണ്ടു കുട്ടികള്ക്ക് ഡ്രൈവറായി ലഭിച്ചത് നടന് സുരാജ് വെഞ്ഞാറമൂടിനെയാണ്. കൈകാണിച്ച് വണ്ടി നിര്ത്തിയപ്പോഴും അകത്തു കയറിയിരുന്നപ്പോഴും ഇവര് ഡ്രൈവറെ ശ്രദ്ധിച്ചിരുന്നില്ല.
മുന്തിയ കാറുകളില് ചീറിപ്പാഞ്ഞുപോകുന്ന താരങ്ങളുടെ കഥകളാണ് കൂടുതലും കേള്ക്കാറുള്ളത്. സാധാരണക്കാരായിട്ടുള്ളവര് ലിഫ്റ്റ് ചോദിച്ചാലൊന്നും താരങ്ങള് കൊടുക്കാറില്ലെന്നാണ് പറയുന്നത്. എന്നാല് അവരില് നിന്നും വ്യത്യസ്തനായിരിക്കുകയാണ് സുരാജ് വെഞ്ഞാറമൂട്.
സുരാജിന്റെ വണ്ടിയാണെന്ന് അറിയാതെ കൈ കാണിച്ച രണ്ടുകുട്ടികളെ വണ്ടിയില് കയറ്റി അവര്ക്ക് ഇറങ്ങേണ്ടയിടത് ഇറക്കി സഹായിച്ചത്. ഇറങ്ങിയ ശേഷം ഡ്രൈവര് സീറ്റില് നോക്കിയപ്പോഴാണിവര് സുരാജാണ് വണ്ടിയോടിച്ചതെന്നും ഇത്രനേരം അദ്ദേഹത്തിനൊപ്പമാണ് വന്നതെന്നും മനസിലാക്കുന്നത്. സുരാജിന്റെ ഒരു സുഹൃത്തും യാത്രയില് ഇവര്ക്കൊപ്പമുണ്ടായിരുന്നു. അദ്ദേഹമാണ് രസകരമായ സംഭവം ഫെയ്സ്ബുക്കില് കുറിച്ചത്.
ഫെയ്സ്ബുക് പോസ്റ്റ്
ഞാനും സുരാജും തിരുവനന്തപുരത്ത് നിന്ന് വെഞ്ഞാറമൂട്ടിലേയ്ക്കുള്ള യാത്രയില് മണ്ണന്തലയില് നിന്ന് രണ്ട് സ്കൂള് കുട്ടികള് കാര് കൈകാണിച്ച് നെര്ത്തി. വണ്ടിയില് കയറിയ കുട്ടികള്ക്ക് ഡ്രൈവറെ വെച്ച് ഒരു സെള്ഫി ഞാനെടുത്തുകാണിച്ചപ്പോള് അവരുടെ മുഖത്തെ സന്തോഷം ഞാനറിഞ്ഞു.
https://www.facebook.com/Malayalivartha