എന്നെ പരിഹസിക്കുന്നവര്ക്ക് അസൂയയാണ്, ഇനി കണ്ണോ വൃക്കയോ കൊടുക്കും നിങ്ങള്ക്കെന്താ?: ചുട്ടമറുപടിയുമായി ഭാഗ്യലക്ഷ്മി
ലോക കാന്സര് ദിനത്തില് കാന്സര് രോഗികള്ക്കായി മുടി മുറിച്ചു നല്കി മാതൃകയായിരുന്നു നടിയും ഡബ്ബിങ് ആര്ട്ടിസ്റ്റുമായ ഭാഗ്യലക്ഷ്മി. എന്നാല് ഇതിനു പിന്നാലെ വിമര്ശനങ്ങളും വന്നിരുന്നു. പബ്ലിസിറ്റിക്കു വേണ്ടിയാണ് മുടി മുറിക്കുന്നതെന്നും ഇതുകൊണ്ട് കാന്സര് രോഗികള്ക്ക് ഗുണമൊന്നുമില്ലെന്നായിരുന്നു വിമര്ശനം. ഇപ്പോള് ഇങ്ങനെ വിമര്ശിക്കുന്നവര്ക്ക് മറുപടിയുമായി ഭാഗ്യലക്ഷ്മി രംഗത്തെത്തിയിരിക്കുകയാണ്.
വീഡിയോയില് ഭാഗ്യലക്ഷ്മി പറയുന്നത്, 'പരിഹസിക്കുന്നവര്ക്ക് ഒരു രോഗമാണ്. ഇതിനെ അസൂയയെന്നോ കുശുമ്പെന്നോ ഒക്കെ വിശേഷിപ്പിക്കാം. ഇത്തരം രോഗവുമായി ജീവിക്കുന്നവര് ജീവിതകാലം മുഴുവന് ഒരു നെഗറ്റീവ് പേഴ്സണ് ആയിട്ടായിരിക്കും കഴിയുക. നിങ്ങളെക്കുറിച്ച് ഒന്നും പറയാനില്ല, നിങ്ങള് കുറ്റങ്ങള് മാത്രം കണ്ടുപിടിക്കാന് നടക്കുന്നവരാണ്. നിങ്ങളുടെ വ്യക്തിജീവിതത്തിലും പ്രൊഫഷണല് ജീവിതത്തിലും നിങ്ങള്ക്ക് വിജയിക്കാന് സാധിക്കില്ല.
മൊട്ടയടിക്കാന് വേണ്ടിയാണ് അവിടെ ചെന്നത്. അവിടെ അതിനുള്ള സംവിധാനം ഇല്ലായിരുന്നു. ചിലപ്പോള് ഇനി ഞാന് മൊട്ടയടിക്കുകയോ ബോയ്കട്ട് ചെയ്യുകയോ ചെയ്തേക്കാം. ചിലപ്പോള് കണ്ണോ കിഡ്നിയോ ദാനം ചെയ്തെന്നും വരാം. കാരണം എനിക്കാരോടും ഒന്നും ചോദിക്കാനില്ല. അവയവദാനം വഴി എനിക്കൊരു മനുഷ്യനെ സഹായിക്കാന് സാധിച്ചാല് ഞാനതും ചെയ്യും. പണത്തേക്കാള് വലുതാണത്. എനിക്കാരോടും അഭിപ്രായം ചോദിക്കേണ്ട കാര്യമില്ല. ആരുടെയും സര്ട്ടിഫിക്കറ്റിന്റെയും ആവശ്യമില്ല.' എന്നാണ്.
https://www.facebook.com/Malayalivartha
