മലയാളികള് ഭയങ്കര അസൂയാലുക്കളാണ്; പ്രിയാ വാര്യര്ക്ക് പിന്തുണയുമായി അന്യഭാഷാ ആരാധകര്
പ്രിയ വാര്യരുടെ കണ്ണിറുക്കല് കൊണ്ട് ശ്രദ്ധേയമായ ഒരു അഡാറ് ലവ് എന്ന ചിത്രത്തിന്റെ തെലുങ്ക് പതിപ്പ് ലൗവേഴ്സ് ഡേയുടെ പുതിയ ഗാനമെത്തി. ദിനകറും ഹരിണിയും ചേര്ന്നാണ് ഗാനമാലപിച്ചിരിക്കുന്നത്. ശ്രീ സായ് കിരണിന്റെ വരികള്ക്ക് ഷാന് റഹ്മാനാണ് സംഗീതം നല്കിയിരിക്കുന്നത്. ചിത്രം ഇതിനകം സോഷ്യല് മീഡിയയില് വൈറലാണ്.
അഡാര് ലൗവിലെ മലയാളത്തിലെ പാട്ടുകള്ക്ക് വലിയ തോതിലുള്ള വിമര്ശനങ്ങളാണ് ലഭിച്ചത്. ഫ്രീക്ക് പെണ്ണേ എന്ന ഗാനത്തിന് ലൈക്കുകളേക്കാളധികം ഡിസ്ലൈക്കായിരുന്നു ലഭിച്ചത്. എന്നാല് അന്യഭാഷകളിലേക്ക് മാറുമ്പോള് പാട്ടുകള്ക്ക് ലൈക്കുകളാണധികവും. യൂട്യൂബില് ഇറങ്ങിയ ഗാനം ഇതിനോടകം ആറുലക്ഷത്തോളം ആളുകളാണ് കണ്ടത്. ഫെബ്രുവരി 14 ന് ചിത്രം തിയേറ്ററുകളിലെത്തും. തെലുങ്കിലും തമിഴിലും കന്നഡയിലും ചിത്രം പ്രദര്ശനത്തിനെത്തുന്നുണ്ട്. ലൗവേഴ്സ് ഡേ എന്ന പേരില് തെലുങ്കില് റീമേക്ക് ചെയ്യുന്ന ചിത്രം നിര്മ്മിച്ചിരിക്കുന്നത് എ ഗുരുരാജ്, സിഎച്ച് വിനോദ് റെഡ്ഡി എന്നിവര് ചേര്ന്നാണ്
നേരത്തെ ചിത്രത്തിലെ ഏറ്റവുമധികം ഡിസ്ലൈക്ക് കാമ്പയിന് നടന്ന ഫ്രീക് പെണ്ണെ എന്ന് തുടങ്ങുന്ന ഗാനം തെലുങ്കില് റിലീസ് ചെയ്തപ്പോള് മികച്ച പ്രതികരണമാണ് ലഭിച്ചത്. മലയാളത്തില് ഗാനങ്ങള് പുറത്തിറക്കാത്തത് പേടി കൊണ്ടാണെന്ന് വിമര്ശകര് പറയുമ്പോള്, പേടിയല്ല, മലയാളികളെ പോലെ അസൂയ ഉള്ളവര് വേറെ ഒരിടത്തും ഇല്ലാത്തത് കൊണ്ടാണെന്നാണ് മറ്റു തെന്നിന്ത്യന് ആരാധകര് മറുപടി നല്കുന്നത്.
https://www.facebook.com/Malayalivartha